پائیدار ترقی سانڳے ھکو سویں موقع ݙیوݨ ضروری اے ، ٹیکنالوجی دے شعبے اچ تھیوݨ آلی ترقی توں دنیا دا ہر خطے کوں فیدہ تھیوݨا چاہیدے ،نگران وزیراعظم انوارالحق کاکڑ

ڈیووس۔17جنوری(اے پی پی) نگران وزیراعظم انوار الحق کاکڑآکھیے پائیدار ترقی سانڳے یکساں موقع ݙیوݨ ضروری اے،  ٹیکنالوجی دے شعبے اچ تھیوݨ آلی ترقی توں دنیا دے ہر خطے کوں فیدہ تھیوݨا چاہیدے ،ٹیکنالوجی دی مساوی ونڈ نہ تھیوݨ توں جھیڑے ودھسن ۔ اے ڳالھ انہاں ٻدھ کوں عالمی اقتصادی فورم دے  زیر اہتمام منعقدہ ’’ٹریڈ ٹیک ٹریلین ڈالر پرامس ‘‘دے اجلاس اچ ڳالھ مہاڑ کریندے ہوئیں آکھی اے ۔ نگران وزیراعظم انوار الحق کاکڑ آکھیے پائیدار ترقی سانڳے ھکو سویں موقع ݙیوݨ ضروری اے، ڈیجیٹل اکانومی آوݨ آلے دور اچ اہمیت دی حامل ہوسی ۔ میݙی  رائے اچ جیڑھا معاملہ حل کرݨ دی لوڑھ اے او معاشی مسابقت کائنی بلکہ سٹریٹجک مسابقت اے۔ سٹرییجک مسابقت معاشی مسابقت تے حاوی تھی ویندی اے ۔ انہاں آکھیے ٹیکنالوجی دے شعبے اچ تھیوݨ آلی ترقی توں دنیا دے ہر خطے کوں فیدہ تھیوݨا چاہیدے ۔ سرمایہ کاری سانڳے نجی شعبہ  دی حوصلہ افزائی ضروری اے۔ ویلھے دے نال مسئلے دا حل ضروری اے۔ انہاں آکھیے تکھی رفتار ترقی سانڳے جدید ٹیکنالوجی تے انحصار کرݨا ہوسی ، ساریں سانڳے ٹیکنالوجی دا مساوی حصول یقینی ہووݨا چاہیدے ۔ ایندے صحت دی خدمات  توں گھن تے سماجی شعبے تئیں اثرات پمدن ۔ ٹیکنالوجی  دی صورت اچ جݙاں سٹریٹجک  مسابقت ودھدی اے ایندے نال ترقی یافتہ ملکاں 21 ویں صدی اچ سائنس دی ترقی توں زیادہ مستفید تھیندن۔ انہاں آکھیے جے ٹیکنالوجی دی مساوی ونڈ نہ ہوسی تاں ایندے نال جھیڑے مزید ودھسن ۔ ایں معاملے تے غور کرݨ دی لوڑھ اے ۔ ٹیکنالوجی دی مساوی ونڈ نال معاملات کوبہتر بݨاوݨ اچ مدد ملسی ۔