کراچی۔18جنوری (اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی سینئر صحافی بابر ایاز دے انتقال تے مرحوم دے اہلخانہ نال تعزیت سانڳے انہاں دے گھر ڳئن ۔ وزیر اطلاعات سندھ محمد احمد شاہ وی انہاں دے رلے موجود ہن ۔ وفاقی وزیر اطلاعات مرحوم بابر ایاز دے ایصال ثواب سانڳے فاتحہ خوانی کیتی تے بابر ایاز دی صحافتی خدمات تے انہاں کوں خراج عقیدت پیش کیتے۔ ایں موقع تے ڳالھ مہاڑ کریندے ہوئیں وفاقی وزیر اطلاعات آکھیے بابر ایاز ھک مخلص، امن پسند اتے جمہوریت پسند انسان ہن، بابر ایاز دی صحافتی خدمات کوں ہمیشہ یاد رکھیا ویسی ۔ انہاں دعا کیتی جو اللہ تعالیٰ مرحوم کوں آپݨے جوار رحمت اچ جاہ ݙیوے تے لواحقین کوں صبرݙیوے ۔
