ملک دے اتلے علاقیاں اچ کوہیڑ پاروں پی آئی اے دا فضائی آپریشن متاثر تھیے، ترجمان

کراچی۔ 20 جنوری (اے پی پی) ملک دے اتلے علاقیاں اچ کوہیڑ پاروں پی آئی اے دا فضائی آپریشن متاثر تھیے، ترجمان پی آئی اے عبداللہ خان موجب چھݨ چھݨ کوں اسلام آباد اچ کوہیڑ پروں پرواز دے شیڈول اچ تبدیلی کیتی ڳئی اے۔ اسلام آباد اچ ݙینھ 12 وڄے وی حد نگاہ 150 میٹر توں ڳھٹ رہی جیڑھی جو ایئربیس 320 دی پروازاں کیتے محفوظ کائنی۔ انہاں آکھیا جو اسلام آباد آمد آلی پروازاں، پی کے 182 شارجہ توں اسلام آباد، 162 ابوظہبی توں اسلام آباد اتے 168القسیم توں اسلام آباد دا رخ لاہور آلے پاسے موڑ ݙتا ڳئے جڈانجو سکردو دی پرواز پی کے 451/452، دبئی دی پرواز پی کے 211/212، 233 اتے کراچی دی پرواز پی کے 308 منسوخ کیتی ڳئی اے۔ انہاں ٻیا ݙسیا جو دبئی توں لاہور دی پروازاں پی کے 236 منسوخ جڈانجو ریاض توں لاہور دی پروز پی کے 726 کراچی موڑ ݙتی ڳئی اے۔ انہاں آکھیا جو پی آئی اے دی انتظامیہ ولوں متاثرہ پروازاں دے مسافراں دی زحمت ڳھٹ کرݨ کیتے اقدامات کیتے ڳئن۔ موسم بہتر نہ تھیوݨ پاروں مسافراں کوں فوری معومات ݙیوݨ، متبادل کنکشن ݙیوݨ اتے ہوٹل دا بندوبدست کیتا ڳئے۔