وزیراعظم  دی اپیل تے پورے ملک اچ 26جنوری کوں  نماز استسقاء ادا کیتی ویسی ، طاہر اشرفی

اسلام آباد۔22جنوری  (اے پی پی):وزیراعظم دے نمائندہ خصوصی بین المذاہب ہم آہنگی و مشرق وسطی و چیئرمین پاکستان علما  کونسل  حافظ محمد طاہر  محمود اشرفی آکھیے جو وزیراعظم  دی اپیل تے پورے ملک اچ مینھ وسݨ سانڳے 26جنوری جمعہ دے ݙینھ نماز استسقا ادا کیتی ویسی ،  پاکستان ایران وچال اڄوکی کشیدگی مکاوݨ سانڳے پاکستان ذمہ دارانہ کردار ادا کیتے جیں کوں پوری دنیا منیے ،حکومت پاکستان ، عسکری قیادت اتے سلامتی دے اداریں دی وختی کاروائی تے دلیرانہ فیصلے چنڳے ہن،دنیا دے سامݨے آچکے جو پاکستان دا دفاع ٻہوں تکڑا اے۔ پریس کانفرنس توں خطاب اچ انہاں آکھیے جو ماہ رجب حرمت اتے عظمت آلا مہینہ اے ایں مقدس مہینے اچ ملک اچ جاری خشک سالی مکاوݨ سانڳے مینھ وسݨ سانڳے خصوصی دعا دی اپیل کرینداں ۔ ایں سلسلے اچ وزیراعظم پاکستان انوارالحق کاکڑدی اپیل تے پورے ملک اچ 26 جنوری جمعہ دے ݙینھ نماز استسقا ادا کیتی ویسی طاہر اشرفی آکھیے ایران ساݙا اسلامی بھرا ملک اے ݙوہیں ملکاں دا وݙا نیڑے تعلق اے ۔