پاکستان تے ایران دا ݙوہیں ملکاں دے سفیراں دی 26 جنوری 2024 تئیں آپݨی آپݨی ذمہ واریاں تے واپسی تے اتفاق

اسلام آباد۔22جنوری(اے پی پی) پاکستان تے ایران ݙوہیں ملکاں دے سفیراں دی 26 جنوری 2024 تئیں آپݨی آپݨی ذمہ واریاں تے واپسی تے اتفاق کیتے۔ ترجمان دفتر خارجہ توں جاری اسلامی جمہوریہ پاکستان تے اسلامی جمہوریہ ایران دے  سانجھے پریس بیان اچ آکھیا ڳئے جو پاکستان تے  ایران دے وزراء خارجہ وچال ٹیلی فونک ڳالھ مہاڑ دے بعد سانجھے طور تے ایں ڳالھ تے اتفاق کیتا ڳئے جو ݙوہیں ملکاں دے سفیر 26 جنوری 2024 تئیں آپݨے آپݨے عہدیں تے واپس آسڳدن۔ بیان موجب وزیر خارجہ جلیل عباس جیلانی دی دعوت تے  ایران دے وزیر خارجہ حسین عامر عبداللہیان 29 جنوری 2024 کوں پاکستان دا دورہ کریسن۔