پاکستان اتے ایران دا اپݨے سفیراں دی 26 جنوری تئیں ذمہ داریاں دے ولݨ تے اتفاق

اسلام آباد۔22جنوری(اے پی پی) پاکستان اتے ایران دا اپݨے سفیراں دی 26 جنوری تئیں ذمہ داریاں دے ولݨ تے اتفاق کیتے۔ ترجمان دفتر خارجہ موجب پاکستان اتے ایران ہک مشترکہ پریس بیان اچ آکھیے جو ݙوہاں ملکاں دے وزراء خارجہ ٹیلی فون تے الائے اتے اتفاق کتیے جو ݙوہاں ملکاں دے سفیر 26 جنوری 2024 تئیں اپݨے اپݨے عہدیاں تے ول سڳدن۔ آکھیا ڳئے جو وزیر خارجہ جلیل عباس جیلانی دی دعوت تے  ایران دے وزیر خارجہ حسین امیر عبداللہیان 29 جنوری کوں پاکستان دا دورہ کریسن۔