اسلام آباد۔22جنوری(اے پی پی)نگران وزیراعظم انوار الحق کاکڑ آکھیے جو اسلام آباد ماسٹر پلان دے جائزے کیتے وفاقی کمیشن تیکھے ٻݨایا ونڄے، اسلام آباد دے شہریاں کوں پارکنگ دی سہولت کیتے پارکنگ پلازے ٻݨائے ونڄن ڄݙاں جو شہر اچ ٹریفک دا دباؤ ڳھٹاوݨ کیتے مؤثر حکمت عملی ٻݨائی ونڄے۔ او اسلام آباد اچ وفاقی ترقیاتی ادارے (سی ڈی اے) دے امور بارے اجلاس دی اڳواݨی کریندے پئے ہن۔ اجلاس اچ …
نگران وزیراعظم انوار الحق کاکڑ دی اڳواݨی اچ سی ڈی اے دے معاملیاں تے اجلاس
اسلام آباد۔22جنوری(اے پی پی)نگران وزیراعظم انوار الحق کاکڑ آکھیے جو اسلام آباد ماسٹر پلان دے جائزے کیتے وفاقی کمیشن تیکھے ٻݨایا ونڄے، اسلام آباد دے شہریاں کوں پارکنگ دی سہولت کیتے پارکنگ پلازے ٻݨائے ونڄن ڄݙاں جو شہر اچ ٹریفک دا دباؤ ڳھٹاوݨ کیتے مؤثر حکمت عملی ٻݨائی ونڄے۔ او اسلام آباد اچ وفاقی ترقیاتی ادارے (سی ڈی اے) دے امور بارے اجلاس دی اڳواݨی کریندے پئے ہن۔ اجلاس اچ اسلام آباد اچ بائیسکل لینز منصوبے اتے اسلام آباد ماسٹر پلان تے بریفنگ ݙتی ڳئی، وزیر اعظم بائیسکل لینز منصوبہ ترجیحی بنیاد تے مکمل کرݨ دی ہدایت کریندے آکھیا جو اسلام آباد ماسٹر پلان تے نظر ثانی کیتی ویسی، اسلام آباد اچ نویں رہائشی منصوبیاں کیتے عمودی تعمیرات کوں ترجیح ݙتی ویسی ایں سانڳے کاروباری سرگرمیاں ودھاوݨ کیتے کثیر المنزلہ عمارات ٻݨاوݨ اتے سرمایہ کاراں و تاجراں کوں متوجہ کرݨ کیتے موثر حکمت عملی ٻݨائی ویسی۔ اجلاس اچ سیکریٹری داخلہ، چیئرمین سی ڈی اے اتے ٻئے اعلیٰ افسران وی موجود ہنشریک تھے۔
