اسلام آباد۔22جنوری(اے پی پی):پاکستان شہید کیتی گئی بابری مسجد دی ڄاہ تے مندر ٻݨآوݨ دی مذمت کریندے ایکوں بھارت اچ مسلماناں دی پسماندگی ودھاوݨ دی بھونڈی کوشش قرار ݙتے۔ ترجمان دفتر خارجہ ہک بیان اچ آکھیے جو بھارت صدیاں پراݨی مسجد 6 دسمبر 1992 کوں شہید کیتی ہئی جیندی ہندوستان دی اعلیٰ عدلیہ وی توثیق کریندے ایندے ذمہ دار مجرماں کوں بری کر ݙتا ہا اتے ہتھو ایندی ڄاہ تے …
پاکستان دی بابری مسجد دی ڄاہ تے رام مندر ٻݨاوݨ دی مذمت
اسلام آباد۔22جنوری(اے پی پی):پاکستان شہید کیتی گئی بابری مسجد دی ڄاہ تے مندر ٻݨآوݨ دی مذمت کریندے ایکوں بھارت اچ مسلماناں دی پسماندگی ودھاوݨ دی بھونڈی کوشش قرار ݙتے۔ ترجمان دفتر خارجہ ہک بیان اچ آکھیے جو بھارت صدیاں پراݨی مسجد 6 دسمبر 1992 کوں شہید کیتی ہئی جیندی ہندوستان دی اعلیٰ عدلیہ وی توثیق کریندے ایندے ذمہ دار مجرماں کوں بری کر ݙتا ہا اتے ہتھو ایندی ڄاہ تے مندر ٻݨاوݨ دا وی حکم ݙتا ہا۔ انہاں آکھیا جو پاکستان بھارتی شہر ایودھیا اچ بابری مسجد دی ڄاہ تے’رام مندر‘ ٻݨاوݨ دی مذمت کریندے ڄیڑھا ہندوستانی مسلماناں دی سماجی، اقتصادی و سیاسی پسماندگی کیتے جاری کوششاں دا حصہ اے، اے مندر آوݨ آلے ویلھے اچ ہندوستان دے جمہوریت دے منہ تے کالک ثابت تھیسی جو بھارت اچ ’ہندوتوا‘ نظریے دی وھدی لھر مذہبی ہم آہنگی و علاقائی امن کیتے وݙا خطرہ اے، عالمی برادری بھارت اچ ودھدے اسلامو فوبیا، نفرت انگیز تقاریر اتے جرائم دا نوٹس ڳھنے۔
