اسلام آباد۔24جنوری (اے پی پی) نگران وفاقی وزیر صحت ڈاکٹر ندیم جان دی ہدایت تے قومی ادارہ صحت خناق روکݨ سانڳے ایڈوائزری جاری کرݙتی۔جاری اپݨے بیان اچ نگران وفاقی وزیر قومی صحت ڈاکٹر ندیم جان آکھیے پالے اچ خناق دے کھنڈݨ دا رسک معمولی طور تے ودھ ویندے ،پاکستان اچ ایں مرض دے وݙے پیمانے تے کھنڈݨ دا امکان گھٹ اے ۔ انہاں آکھیے جو ایڈوائزری دا مقصد صحت …
وفاقی وزیرصحت دی ہدایت تےقومی ادارہ صحت خناق روکݨ سانڳے ایڈوائزری جاری کرݙتی
اسلام آباد۔24جنوری (اے پی پی) نگران وفاقی وزیر صحت ڈاکٹر ندیم جان دی ہدایت تے قومی ادارہ صحت خناق روکݨ سانڳے ایڈوائزری جاری کرݙتی۔جاری اپݨے بیان اچ نگران وفاقی وزیر قومی صحت ڈاکٹر ندیم جان آکھیے پالے اچ خناق دے کھنڈݨ دا رسک معمولی طور تے ودھ ویندے ،پاکستان اچ ایں مرض دے وݙے پیمانے تے کھنڈݨ دا امکان گھٹ اے ۔ انہاں آکھیے جو ایڈوائزری دا مقصد صحت دے اداریں کوں احتیاط اتے کنٹرول دے اقدامات بارے ݙساوݨا اے ،محکمہ صحت اتے متعلقہ حکام خناق بارے پیشگی اقدامات کرن ،خناق ھک بندے توں ݙوجھے بندے کوں تھیوݨ آلا مرض اے ، خناق دا جرثومہ مریض کوں ہتھ لاوݨ ، کھنگھݨ تے نچھ ݙیوݨ نال کھنڈدے ۔ ڈاکٹر ندیم جان آکھیے خناق توں بچݨ سانڳے ضروری اے جو والدین اپݨے ٻالاں کوں شیڈول موجب ویکسین لواون ، بیماری دی صورت اچ فوراً مستند ڈاکٹر نال رجوع کیتا ونڄے۔
