اسلام آباد۔26جنوری(اے پی پی)نگران وزیراعظم انوار الحق کاکڑ آکھیے جو ملک اچ ہر ٻآل کوں پولیو توں محفوظ رکھݨ ترجیح اے، حکومت پاکستان روٹری انٹرنیشنل دے پروگرامز اچ پورا ہتھ ونݙیسی۔ اے ڳالھ انہاں صدر روٹری انٹرنیشنل سٹیفینی ارچک دی اڳواݨی اچ وفد نال ملݨ ویلھے آکھی۔ وفد اچ تھومس اینتھونی گمپ، محمد فیض قدوائی، عبد العزیز میمن اتے مسرور شیخ شامل ہن۔ وفد نگران وزیراعظم کوں پاکستان سمارٹ ویلیج …
نگران وزیراعظم انوار الحق کاکڑ نال صدر روٹری انٹرنیشنل سٹیفینی ارچک دی اڳواݨی اچ وفد دی ملاقات
اسلام آباد۔26جنوری(اے پی پی)نگران وزیراعظم انوار الحق کاکڑ آکھیے جو ملک اچ ہر ٻآل کوں پولیو توں محفوظ رکھݨ ترجیح اے، حکومت پاکستان روٹری انٹرنیشنل دے پروگرامز اچ پورا ہتھ ونݙیسی۔ اے ڳالھ انہاں صدر روٹری انٹرنیشنل سٹیفینی ارچک دی اڳواݨی اچ وفد نال ملݨ ویلھے آکھی۔ وفد اچ تھومس اینتھونی گمپ، محمد فیض قدوائی، عبد العزیز میمن اتے مسرور شیخ شامل ہن۔ وفد نگران وزیراعظم کوں پاکستان سمارٹ ویلیج پروگرام اتے انسداد پولیو بارے روٹری انٹرنیشنل دی کارکردگی تے بریفنگ ݙتی۔ نگران وزیراعظم روٹری انٹرنیشنل دی پاکستان اچ پولیو مکاوݨ، تعلیم اتے ٻئے شعبیاں اچ خدمتاں دی تعریف کیتی۔ انہاں امید کیتی جو پاکستان روٹری انٹرنیشنل پاکستان اچ اپݨے پروگرامز ودھیسی۔ وفد نگران وزیراعظم کوں 10 ہزار کتاباں دا تحفہ وی ݙتے ڄیڑھیاں ملک دے مختلف علاقیاں اچ ونڈیان ویسن، ایں سانڳے دور دراز علاقیاں اچ روٹری انٹرنیشنل دی موبائل لائبریریز کتب بینی اتے خواندگی ودھاوݨ کیتے پہلے ہی کم کرینداں پن۔ ملاقات اچ نگران وفاقی وزیر قومی صحت ڈاکٹر ندیم جان اتے متعلقہ اعلیٰ سرکاری افسران وی موجود ہن۔
