ججاں دے خلاف مہم دے بعد کارروائی قانون دے مطابق تھئی اے، نگران وزیر اطلاعات

اسلام آباد۔28جنوری(اے پی پی)نگران وفاقی وزیر اطلاعات و نشریات مرتضیٰ سولنگی آکھیے جو ججز دے خلاف مہم دے بعد وفاقی تحقیقاتی ادارے (ایف آئی اے) کارروائی قانون دے مطابق تھئی اے جیندے اچ کہیں کوں ہراساں نئیں کیتا گیا۔ اسلام آباد اچ پریس کانفرنس کریندے انہاں آکھیا جو عدلیہ دے خلاف چلݨ آلی مہم تے جے آئی ٹی ٻݨائی گئی، انکوائری اچ تقریباً 100 انکوائریز تھی چکین، آئین دے آرٹیکل 19 سانڳے اظہار رائے دی آزادی لامحدود کائنی، جو کڄھ عدلیہ تے تنقید تھئی او صرف تنقید نئیں، کارروائی اچ کہیں کوں چاتا ڳئے، ہراساں کیتا ڳئے نا راتیں کوں کہیں دا در کھڑکایا ڳئے، ایف آئی اے قانون دے مطابق کارروائی کیتی اے۔ نگران وزیر اطلاعات آکھیے جو تنقید تہذہب دے دائرے اچ راہندے کرݨی چاہیدی اے، بہتان تراشی اتے تذلیل توں بچݨا چاہیدے اتے جے آئی ٹی اپݨا کم جاری رکھی پئی اے۔