کراچی۔29جنوری(اے پی پی):صدر مملکت ڈاکٹر عارف علوی آکھیے جو مسیتاں ملک اچ دی سماجی و اقتصادی ترقی سانڳے مذہبی اخلاقیات نال سکول نہ ونڄ سڳݨ آلے ٻالاں کوں تعلیم دی فراہمی اچ اہم کردار ادا کرسڳدن ، مسیتاں کوں مسلم معاشرے اچ مرکزی مقام حاصل اے اتے انہاں لوکاں کوں بیماریاں توں بچاوݨ تے ٻئے اہم سماجی مسئلیں توں آگاہی سانڳے استعمال کیتا ونڄ سڳدے ۔ صدر مملکت اے …
سکول نہ ونڄ سڳݨ آلے ٻالاں دی تعلیم اتے بیماریاں توں بچݨ اچ مسیتاں دا کردار اہم اے ، صدر مملکت ڈاکٹر عارف علوی دا اجلاس توں خطاب
کراچی۔29جنوری(اے پی پی):صدر مملکت ڈاکٹر عارف علوی آکھیے جو مسیتاں ملک اچ دی سماجی و اقتصادی ترقی سانڳے مذہبی اخلاقیات نال سکول نہ ونڄ سڳݨ آلے ٻالاں کوں تعلیم دی فراہمی اچ اہم کردار ادا کرسڳدن ، مسیتاں کوں مسلم معاشرے اچ مرکزی مقام حاصل اے اتے انہاں لوکاں کوں بیماریاں توں بچاوݨ تے ٻئے اہم سماجی مسئلیں توں آگاہی سانڳے استعمال کیتا ونڄ سڳدے ۔ صدر مملکت اے ڳالھ تعلیم دے ودھارے تے صحت دے مسئلیں بارے آگاہی ݙیوݨ اچ مسیتاں تے و مدارس دے کردار متعلق اجلاس دی صدارت کریندے ہوئیں آکھی اے ۔ اجلاس اچ نگران وفاقی وزیر مذہبی امور و بین المذاہب ہم آہنگی ڈاکٹر انیق احمد تے مختلف مکاتب فکر دے علمائے کرام شرکت کیتی۔ایوان صدر دے پریس ونگ موجب صدر مملکت اجلاس توں خطاب کریندے ہوئیں ایں ڳالھ تے روشنی پاتی جو ناکافی تعلیمی انفراسٹرکچر دی وجہ توں 26 ملین سکول نہ ونڄ سڳݨ آلے ٻالاں کوں تعلیم ݙیوݨ ھک اوکھا کم اے ۔ انہاں مزید آکھیے جو نویں سکولاں دی تعیر اچ بے پناہ وسائل دے نال ویلھا درکار ہوسی ۔ ایں ضمن اچ پورے ملک اچ تقریباً ڈھائی لکھ مسیتاں انہاں ٻالاں کوں تعلیم آلے پاسے گھن آوݨ سانڳے ھ منفرد اتے گھٹ خرچ رستہ ذریعہ بݨ سڳدن ۔ صدرآکھیے حکومت دے ایکسلریٹڈ لرننگ پروگرام کوں شامل کرتے مسیتاں کوں تعلیم دے مراکز دے طور تےاستعمال کیتا ونڄ سڳدے ۔
