اسلام آباد۔30جنوری (اے پی پی) وفاقی کابینہ ریونیو ڈویژن دی سفارش تے ایف بی آر دی تنظیمِ نو اتے ڈیجیٹائزیشن اتے وفاقی ٹیکس پالیسی بورڈ ٻݨاوݨ دی منظوری ݙے ݙتی اے جڈانجونگران وزیراعظم انوار الحق کاکڑ ہدایت کیتی اے جو کابینہ کمیٹی دی سفارشات دی روشنی اچ اصلاحات بارے ساری درکاری ضروری قانون سازی کیتے مسودہ آئندہ منتخب پارلیمنٹ کوں منظوری کیتے پیش کیتا ونڄے۔ منگل کوں وزیراعظم آفس دے …
وفاقی کابینہ ریونیو ڈویژن دی سفارش تے ایف بی آر دی تنظیمِ نو اتے ڈیجیٹائزیشن اتے وفاقی ٹیکس پالیسی بورڈ ٻݨاوݨ دی منظوری ݙے ݙتی اے
اسلام آباد۔30جنوری (اے پی پی) وفاقی کابینہ ریونیو ڈویژن دی سفارش تے ایف بی آر دی تنظیمِ نو اتے ڈیجیٹائزیشن اتے وفاقی ٹیکس پالیسی بورڈ ٻݨاوݨ دی منظوری ݙے ݙتی اے جڈانجونگران وزیراعظم انوار الحق کاکڑ ہدایت کیتی اے جو کابینہ کمیٹی دی سفارشات دی روشنی اچ اصلاحات بارے ساری درکاری ضروری قانون سازی کیتے مسودہ آئندہ منتخب پارلیمنٹ کوں منظوری کیتے پیش کیتا ونڄے۔ منگل کوں وزیراعظم آفس دے میڈیا ونگ توں جاری پریس ریلیز موجب نگران وزیراعظم انوار الحق کاکڑ دی صدارت وفاقی کابینہ دا اجلاس تھیا۔ وفاقی کابینہ ریونیو ڈویژن دی سفارش تے فیڈرل بورڈ آف ریونیو دی تنظیمِ نو اتے ڈیجیٹائزیشن دی منظوری ݙتی اے۔ کابینہ کوں23 جنوری2024 دے اجلاس اچ قائم کردہ وزیر خزانہ دی سربراہی اچ بین الوزارتی کمیٹی دی سفارشات پیش کیتی ڳئی۔ وزیراعظم ہدایت کیتی جو کابینہ کمیٹی دی سفارشات دی روشنی اچ اصلاحات بارے ساری درکار قانون سازی کیتے مسودہ آئندہ منتخب پارلیمنٹ کوں منظوری کیتے پیش کیتا ونڄے۔ نگران وزیراعظم اتے وفاقی کابینہ وزیر خزانہ، چیئرمین ایف بی آر اتے متعلقہ حکام دی انہاں اصلاھات دی تیاری کیتے محنت اتے کوششاں دی تعریف کیتی۔
