وزارت مذہبی امور حج 2024 اچ سعودی عرب اچ خدمات ݙیوݨ کیتے گریڈ ست توں 18 دے سرکاری ملازماں توں 14 فروری تئیں درخواستاں منڳ ڳھدی

اسلام آباد۔31جنوری  (اے پی پی) وزارت مذہبی امور  حج 2024 اچ  سعودی عرب اچ خدمات ݙیوݨ کیتے گریڈ ست توں 18 دے سرکاری ملازماں توں 14 فروری تئیں درخواستاں منڳ ڳھدین۔ بدھ کوں وزارت مذہبی امور دے ترجمان موجب وزارت مذہبی امور  وفاقی تے صوبائی محکمیاں دے گریڈ 7 توں 18 تئیں دے ریگولر افسران اتے ملازمین توں آکھیے جو این ٹی اایس دے ذریعے حج 2024 اچ سعودی عرب اچ پاکستان حاجیاں کیتے بطور معاون حجاج  آپݨٰی درخواستاں 14 فروری 2024 تئیں  وزارت مذہبی  امور کوں ٻھجواون۔ ایں بارے مطلوبہ اہلیت  ، عمر  اتے  کیڈر سودھے ٻئے معاملیاں کیتے وزارت مذہبی امور  یا این ٹی ایس دی ویب سائٹ تے تفصیل ݙٹھی ونڄ سڳدی اے۔   وفاقی اتے صوبائی محکمہ صحت اچ تعینات سرکاری   ڈاکٹر ، فاماسسٹ اتے پیرامیڈیکل عملہ وی  حج میڈیکل مشن اچ آپݨی خدمات ݙیوݨ کیتے  این ٹی ایس دےذریعے  14 فروری تئیں آپݨی درخواستاں وزارت مذہبی امور کوں ٻھجوا سڳدن۔