نگران وزیراعظم انوار الحق کاکڑ اتے مالدیپ دے صدر ڈاکٹر محمد معیزو وچال ٹیلی فونک رابطہ، آپسی تعاون ودھاوݨ کیتے نویں راہ ڳولݨ تے اتفاق

اسلام آباد۔1فروری  (اے پی پی) نگران وزیراعظم انوار الحق کاکڑ اتے مالدیپ دے صدر ڈاکٹر  محمد معیزو  وچال ٹیلی فونک رابطہ، آپسی تعاون ودھاوݨ کیتے نویں راہ ڳولݨ تے اتفاق کیتا ڳئیا۔ خمیس کوں وزیراعظم آفس دے میڈیاونگ توں جاری بیان موجب نگران وزیراعظم انوار الحق کاکڑ کوں جمہوریہ مالدیپ دے صدر ڈاکٹر محمد معیزو ٹیلی فون  کیتا ۔  ٹیلی فون دا مقصد  ابوظہبی اچ اقوام متحدہ دے فریم ورک کنونشن آن کلائمیٹ چینج ( کوپ۔28) دے فریقین دی کانفرنس دے 28ویں اجلاس دے موقع تے 2 دسمبر 2023 کوں تھیوݨ آلی انہاں دی ملاقات اچ ڳالھ مہاڑ کوں اڳوں ودھاوݨ ہئی۔ ݙوہیں رہنماواں علاقائی تعاون نال جنوبی ایشیا اچ امن اتے ترقی کیتے کم کرݨ دی خواہش وی کیتی۔