اسلام آباد۔2فروری (اے پی پی) وفاقی سیکرٹری اطلاعات تے نشریات شاہیرہ شاہد آکھیا جو مقبوضہ کشمیر دی عوام تے کیتے ڳئے ظلم بارے دنیا کوں ݙساوݨ کیتے ہر سطح تے کشمیری ٻھیݨ ٻھراواں نال یکجہتی کیتی ویسی تانجو دنیا کوں پتہ لڳے جو بھارت دے غیر قانونی قبضے اچ کشمیر دے لوک کیڑھے اوکھے حالات اچ رہندے پئن۔ اے ڳالھیں انہاں جمعے کوں انفارمیشن سروسز اکیڈمی اچ ڈائریکٹوریٹ آف الیکٹرانک …
مقبوضہ کشمیر دی عوام تے کیتے ڳئے ظلم بارے دنیا کوں ݙساوݨ کیتے ہر سطح تے کشمیری ٻھیݨ ٻھراواں نال یکجہتی کیتی ویسی، شاہیرہ شاہد
اسلام آباد۔2فروری (اے پی پی) وفاقی سیکرٹری اطلاعات تے نشریات شاہیرہ شاہد آکھیا جو مقبوضہ کشمیر دی عوام تے کیتے ڳئے ظلم بارے دنیا کوں ݙساوݨ کیتے ہر سطح تے کشمیری ٻھیݨ ٻھراواں نال یکجہتی کیتی ویسی تانجو دنیا کوں پتہ لڳے جو بھارت دے غیر قانونی قبضے اچ کشمیر دے لوک کیڑھے اوکھے حالات اچ رہندے پئن۔ اے ڳالھیں انہاں جمعے کوں انفارمیشن سروسز اکیڈمی اچ ڈائریکٹوریٹ آف الیکٹرانک میڈیا اینڈ پبلیکیشنز ولوں یوم یکجہتی کشمیر بارے تھیوݨ آلی ڈیجیٹل فوٹو گرافی اینڈ پینٹنگز نمائش اچ آکھی۔ تقریب توں خطاب کریندیں ہوئیں وفاقی سیکرٹری اطلاعات تے نشریات شاہیرہ شاہد ٻیا آکھیا جو پنج فروری دے ݙینھ دی اہمیت سارے ڄاݨدن۔ انہاں آکھیا جو ہندوستان دی ہمیشہ توں کوشش رہی اے جو کشمیر دے لوکاں کوں کشمیر توں بے دخل کیتا ونڄے اتے اتھ ہندواں کوں آباد کیتا ونڄے تانجو کݙاہیں وی ریفرنڈم تھیوے تاں انہاں کوں مطلوبہ نتائج مل سڳن۔ یوم یکجہتی کشمیر دی تقریب توں خطاب کریندیں ہوئیں ڈی جی ڈائریکٹوریٹ آف الیکٹرانک میڈیا اینڈ پبلیکیشنز ثمینہ فرزین شیخ آکھیا جو جݙاں تئیں کشمیر دا مسئلہ حل نی تھیندا پاکستان کشمیری عوام دی اخلاقی سیاسی اتے سفارتی حمایت جاری رکھیسی۔
