اسلام آباد۔2فروری(اے پی پی):صدر مملکت ڈاکٹر عارف علوی شطرنج کوں پاکستان اچ مقامی سطح تے فروغ ݙیوݨ سانڳے اقدامات تے زور فیندے آکھیے جو ملک اچ شطرنج دی مقبولیت کیتے مقابلے کراوݨے چاہیدن، شطرنج دی بین الاقوامی تنظیماں اتے نجی شعبے نال ساڄھےد اریو دھاوݨی ہوسی۔ اے ڳالھ انہاں ایوان صدر اسلام آباد اچ بین الاقوامی شطرنج فیڈریشن دے وفد نال ملݨ ویلھے آکھی۔ انہاں آکھیے جو شطرنج دے کھیݙ …
شطرنج کوں پاکستان اچ مقامی سطح تے فروغ ݙیوݨ دی لوڑھ اے، صدر مملکت دی بین الاقوامی شطرنج فیڈریشن دے وفد نال ڳالھ مہاڑ
اسلام آباد۔2فروری(اے پی پی):صدر مملکت ڈاکٹر عارف علوی شطرنج کوں پاکستان اچ مقامی سطح تے فروغ ݙیوݨ سانڳے اقدامات تے زور فیندے آکھیے جو ملک اچ شطرنج دی مقبولیت کیتے مقابلے کراوݨے چاہیدن، شطرنج دی بین الاقوامی تنظیماں اتے نجی شعبے نال ساڄھےد اریو دھاوݨی ہوسی۔ اے ڳالھ انہاں ایوان صدر اسلام آباد اچ بین الاقوامی شطرنج فیڈریشن دے وفد نال ملݨ ویلھے آکھی۔ انہاں آکھیے جو شطرنج دے کھیݙ دی ترقی کیتے سرکاری و نجی شعبہ ہتھ ونݙاوے، شطرنج دے ذہنی و تعلیمی فیدے ہیں اے ذہنی تنائو ڳھٹاوݨ اتے ذہنی صلاحیتاں ودھاوݨ اچ مدد گار اے۔ وفد اچ بین الاقوامی شطرنج فیڈریشن دے صدر اتے روس دے سابق نائب وزیر اعظم آرکاڈی ڈورکووچ، ایشین شطرنج فیڈریشن دے صدر اتے متحدہ عرب امارات دے مرحوم صدر دے پتر شیخ سلطان بن خلیفہ النہیان، بین الاقوامی شطرنج فیڈریشن دی منیجنگ ڈائریکٹر ڈانا ریزنیز اوزولا، برطانوی شطرنج دے گرینڈ ماسٹر ڈاکٹر نائجل شارٹ، ایشین شطرنج فیڈریشن دے سیکرٹری جنرل ہشام الطاہر، پاکستان شطرنج فیڈریشن دے سرپرست اعلیٰ جوہر سلیم، بین الاقوامی شطرنج فیڈریشن دے اراکین، ایشین چیس فیڈریشن، پاکستان شطرنج فیڈریشن، اسلام آباد سکریبل ایسوسی ایشن اتے پاکستان سکریبل ایسوسی ایشن دے اراکان شامل ہن۔
