دنیا اچ رہݨ آلے پاکستانی اتے کشمیری کل  یکجہتی کشمیردا ݙینھ روایتی عزم نال منیسن

اسلام آباد۔3فروری(اے پی پی)پوری دنیا اچ رہݨ آلے پاکستانی اتے کشمیری کل (سنوار) کوں بھارت دے غیرقانونی زیرقبضہ کشمیر دے لوکں نال اظہار یکجہتی سانڳے یکجہتی کشمیر دا ݙینھ روایتی عزم نال منیسن۔ ایں موقع تے شہر شہر، قریہ قریہ یکجہتی کشمیر دی مناسبت نال تقریباں تھیسں پاکستان اتے آزاد کشمیر کوں رلاوݨ آلے پُلاں تے انسانی ہاتھاں دی زنجیراں بݨائیاں ویسن۔ تفصیل موجب گزریل کئی ݙھاکیں توں پاکستان دی طرفوں سرکاری سطح تے 5 فروری ہر سال یکجہتی کشمیرݙینھ دے طور تے منایا ویندے ۔ ہر سال وانڳوں اڄوکے سال وی یکجہتی کشمیرݙینھ دے موقع تے عام چھٹی ہوسی ۔ صدر، نگران وزیراعظم، نگران وزیر خارجہ، صدر اتے وزیراعظم آزاد کشمیردے خصوصی پیغام جاری کیتے ویسن ۔ شاہراہ دستور تے یکجہتی ریلی دی قیادت نگران وزیراعظم انوار الحق کاکڑ کریسن جݙاں جو چیئرمین سینیٹ اتے وفاقی کابینہ دے ارکان وی ایندے اچ شامل ہوسن ۔ ایں ݙینھ سویلھے ھک منٹ کیتے چُپ کیتی ویسی تے ٹریفک روک ݙتی ویسی ۔اہم شاہراہواں، عمارتاں تے  بینر تے پینافلیکس لاتے ویسن ۔ کل جماعتی حریت کانفرنس دی طرفوں اقوام متحدہ دے مبصر مشن بھارت  پاکستان کوں مفاہمت دی یادداشت پیش کیتی ویسی ، فارن مشنز تے سفارتکاراں کوں بریفنگ ݙتی ویسی ، چارے صوبائی، وفاقی، آزاد کشمیر تے گلگت بلتستان دے دارالحکومتاں سودھے پورے ملک اچ یکجہتی ریلیاں منعقد کیتیاں ویسن ۔