چوݙاں لکھ 90 ہزارانتخابی عملے دی تربیت کامیابی نال مکمل تھی ڳئی اے، الیکشن کمیشن آف پاکستان

اسلام آباد۔3فروری (اے پی پی):الیکشن کمیشن آف پاکستان عام انتخابات 2024 ءدے کامیاب انعقاد سانڳے 14 لکھ90 ہزارانتخابی عملے دی تربیت کامیابی نال مکمل کر ڳھدی اے جاری بیان اچ الیکشن کمیشن دے ترجمان آکھیے انہاں تربیتی مشقاں دے ذریعے ایں امر کوں یقینی بݨایا ڳئے جیڑھا سارے انتخابی عملے عام انتخابات2024ء دے دوران اپݨے فرائض منصبی مؤثر اتے پیشہ ورانہ طور تے سرانجام ݙے سڳسی۔کمیشن دے ترجمان موجب انتخابی عملے دی تربیت سانڳے  پورے ملک دے پرے دے علاقیں اچ 87 ݙینھ تئیں مجموعی طور تے27،676  تربیتی نشستاں دا اہتمام کیتا ڳیا جیں اچ 3،821 ماسٹر ٹرینرز شریک تھئن ۔ تربیتی نشستاں دا اے سلسلہ 19 نومبر 2023ء  کوں شروع تھیا تے 3 فروری 2024ء  دی شام  کوں توڑ پڄا ۔  تربیتی نشستاں اچ شریک تھیوݨ آلیں اچ 144  ڈسٹرکٹ ریٹرننگ افسر ، 859  ریٹرننگ افیسر توں علاوہ پولنگ عملہ شامل ہئی۔ پولنگ عملے اچ تربیت پاوݨ آلیں چ 191,526 پریزائیڈنگ افسران اتے سینئر اسسٹنٹ پریزائیڈنگ افسرشامل ہن جنھاں سانڳے 7,663ݙو ݙینھ وار تربیتی نشستاں منعقد کیتیاں ڳئن ۔ایں توں انڄ 785,060 اسسٹنٹ پریذائیڈنگ آفیسرز اتے پولنگ افسرسانڳے 19,630 ٹریننگ سیشنزکرائے ڳئن ۔ ایں توں انڄ شفاف، آزادانہ اتے منصفانہ انتخابات دے انعقاد کوں یقینی بݨاوݨ سانڳے ، الیکشنزایکٹ 2017ء دی دفعہ 234 دے تحت انتخابی سرگرمیاں دی نگرانی سانڳے علاقائی سطح تے32  ریجنل مانیٹرنگ کوآرڈینیٹر اتے ضلعی سطح تے1،336ڈسٹرکٹ مانیٹرنگ افسر تے مانیٹرنگ افسرسانڳے وی ضروری تربیت دا اہتمام کیتا ڳیا ۔کمیشن الیکشن مینجمنٹ سسٹم کوں مؤثر طریقے نال چلاوݨ سانڳے تقریباً 5،000  افسر تے ڈیٹا انٹری آپریٹرز کوں ریٹرننگ افسراں دے نال جوڑݨ توں پہلے  148 ٹریننگز کرائن۔ایویں کمیشن انتخابات اچ سیکیورٹی فرائض بہترین طریقے نال انجام ݙیوں کوں یقینی بݨاوݨ سانڳے 1400 ماسٹر ٹرینرز تیارکیتن جنھاں بعد اچ 503,495  سیکیورٹی اہلکاراں کوں ضروری تربیت ݙتی۔