اسلام آباد۔3فروری (اے پی پی) صدر مملکت ڈاکٹرعارف علوی تریمت کوں ہراساں کرݨ تے عسکری بینک دے سابق ملازم محمد منیر اختر (ملزم) دی دائر کیتی ڳئی اپیل مسترد کریندے ہوئیں نوکری توں برخواستگی دی سزا برقرار رکھی ۔ ایوان صدر دے پریس ونگ توں جاری بیان موجب بینک منیجر مقام کار تے تریمت کوں جنسی طور تے ہراساں کرݨ دے الزام اچ قصور وار پاتا ڳئے ، صدر …
صدرعارف علوی تریمت کوں ہراساں کرݨ تے عسکری بینک دے سابق ملازم دی نوکری برخواستگی دے خلاف درخواست مسترد کرݙتی
اسلام آباد۔3فروری (اے پی پی) صدر مملکت ڈاکٹرعارف علوی تریمت کوں ہراساں کرݨ تے عسکری بینک دے سابق ملازم محمد منیر اختر (ملزم) دی دائر کیتی ڳئی اپیل مسترد کریندے ہوئیں نوکری توں برخواستگی دی سزا برقرار رکھی ۔ ایوان صدر دے پریس ونگ توں جاری بیان موجب بینک منیجر مقام کار تے تریمت کوں جنسی طور تے ہراساں کرݨ دے الزام اچ قصور وار پاتا ڳئے ، صدر مملکت عسکری بینک دے سابق ملازم محمد منیر اختر (ملزم) دی طرفوں دائر کیتی ڳئی اپیل مسترد کرݙتی صدر مملکت وفاقی محتسب انسدادِ ہراسیت بمقام کار دا فیصلہ درست قرار ݙیندے ہوئیں آکھیے جو تریمت دی شکایت اچ بیان کیتے ڳئے واقعات، ثبوتاں دی روشنی اچ ملزم تے جنسی ہراسیت دا الزام ثابت تھیندے ۔ تفصیل موجب عسکری بینک دی ھک تریمت ملازم بینک کوں ملزم دے خلاف ہراساں کرݨ دی شکایت درج کرائی ہئی ،تریمت الزام لاتا جو سابقہ بینک منیجر اپݨے دوست نال برانچ اچ ایندا کم کرݨ اوکھا بݨا ݙتے ، ملزم میکوں آپݨے یار نال ساتھ ونڄݨ تے مجبور کیتا ، ݙوجھی برانچ اچ ٹرانسفر تھیوݨ دے بعد جݙاں حسن ابدال برانچ کارڈ گھنݨ ڳئی تاں ملزم مندے کڈھیے، اے ٹی ایم کارڈ ݙیوݨ توں انکار کرݙتا۔ محکمانہ ہراسانی کمیٹی الزامات دی چھان بین اتے انکوائری دے بعد ملزم کوں ہراسیت دا مرتکب پاتا، عسکری بینک ملزم کوں سروس توں برخواست کر ݙتا جیں تے ملزم محتسب کنے پاس اپیل دائر کیتی انسدادِ ہراسیت محتسب سزا درست قرار ݙے تے ملزم دی اپیل خارج کرݙتی بعد اچ ، محمد منیر اختر محتسب دے فیصلے دے خلاف صدر مملکت کوں اپیل دائر کیتی جیں کوں صدر وی مسترد کرݙتا۔ صدر مملکت آکھیے ملزم کالز، ٹیکسٹ میسجز اتے اے ٹی ایم کارڈ جاݨ ٻجھ تے شکایت کنندہ دے حوالے کرݨ توں انکار کرݨ دے الزام من ڳھدے ، جیڑھا جو حقائق من ڳھدے ونڄن تاں انہاں کوں ثابت کرݨ دی ضرورت نی تھیندی ، کم دی جاہ تے ہراسیت تریمت سانڳے ٻہوں سنگین نتائج دا باعث بݨ سڳدی اے ، صدر مملکت آکھیے جے تریمت کہیں بااختیار شخص دے غیر اخلاقی مطالبات تسلیم کرݨ توں انکار کریندی اے تاں انہاں کوں ملازمت یا ترقی دا موقع ونڄݨ دا خطرہ مل گھنݨا وندے ، صدر مملکت دی طرفوں محتسب دے فیصلے دے خلاف ملزم دی اپیل مسترد کریندے ہوئیں سروس توں برخواستگی دی سزا برقرار رکھی ڳئی۔
