پوری پاکستانی قوم کشمیریاں دے رلے کھڑی اے، 5فروری کوں کشمیریاں نال بھرپور اظہار یکجہتی کیتا ویسی ، معاون خصوصی مشعال ملک دی حریت رہنماواں دے رلے پریس کانفرنس

اسلام آباد۔4فروری (اے پی پی):وزیر اعظم دی معاون خصوصی انسانی حقوق مشعال ملک آکھیے یوم یکجہتی کشمیر دے موقع تے کشمیریاں نال بھرپور اظہار یکجہتی کیتا ویسی ، بھارت مقبوضہ کشمیر اچ ہندو آباد کاری دے اقدامات کریندا پئے ، اقوام متحدہ دی زیر نگرانی کشمیر اچ مردم شماری دا مطالبہ کریسوں ، بھارت پاکستان اچ دہشت گردی اچ ملوث اے۔یوم یکجہتی کشمیر دی مناسبت نال کل جماعتی حریت کانفرنس آزاد کشمیر شاخ دے رہنماواں غلام محمد صفی، محمود احمد ساغر، فاروق رحمانی اتے ٻئیں دے رلے پی آئی ڈی اچ پریس کانفرنس توں خطاب کریندے ہوئیں مشعال ملک یوم یکجہتی کشمیر تے ٻئے کشمیر متعلق ݙینھ کوں بھرپور انداز اچ مناوݨ تے وزارت امور کشمیر، وزارت خارجہ اتے وزارت اطلاعات دے بھرپور کردار دی تعریف کریندے ہوئی آکھیے جو اے وزارتاں تے ٻئے اہم ادارے تے میڈیا مسئلہ کشمیر کوں چاوݨ اچ کلیدی کردار نبھیندے پئن ۔ بھارت سیاسی اتے مذہبی رہنماواں دی آواز دٻائی کھڑے ، مقبوضہ کشمیر اچ مذہبی جہیں کوں ہندوتوا اچ بدالیا ویندا پئے ۔آر ایس ایس ھک دہشت گرد تنظیم اے ، پاکستان اچ را دہشت گردی اچ ملوث اے، بھارت اچ فاشزم ودھدا پئے ۔ ایں تے پابندیاں لڳݨیاں چاہیدن ، بھارت دی طرفوں کینیڈا ، پاکستان اتے آزاد کشمیر اچ ٹارگٹ کلنگ کیتی ڳئی ۔ انہاں آکھیے بھارت مقبوضہ کشمیر اچ ہندوواں دی آبادکاری دے اقدامات کریندا پئے ، مسلماناں دیاں مذہبی جہیں کوں شہید کیتا ویندا پئے ۔ انہاں آکھیے وزارت دے تحت ھک مشاورتی کمیٹی بݨائی اے جیں اچ حریت کانفرنس توں سارے فریقین، سول سوسائٹی، وکلا اتے ہر زندگی دے شعبے نال تعلق رکھݨ آلی اہم شخصیات کوں رلایا ڳئے ، ایندے ترائے اجلاس تھئن ایں پلیٹ توں ھک وݙی مدت پالیسی بݨاوݨ اے تاں جو آرایس ایس دی دہشت گردی کوں عالمی سطح تے نشابر کرتے ایں تے پابندی لوائی ونڄے ۔