وفاقی وزیر اطلاعات مرتضیٰ سولنگی مقامی اتے بین الاقوامی صحافیاں دی سہولت کیتے میڈیا ہیلپ لائن دا افتتاح کرݙتے، ڈیجیٹل میڈیا دے اڄوکے دور اچ کم دے طریقے کوں جدید اتے اپ گریڈ کرݨ ضروری اے، مرتضیٰ سولنگی

اسلام آباد۔5فروری  (اے پی پی) نگران وفاقی وزیر اطلاعات، نشریات تے پارلیمانی امور مرتضیٰ سولنگی انتخابات 2024ء دی کوریج کرݨ آلے مقامی اتے بین الاقوامی صحافیاں دی سہولت کیتے میڈیا ہیلپ لائن دا افتتاح کرݙتے۔سنوار کوں پریس انفارمیشن ڈیپارٹمنٹ اچ تھیوݨ آلی میڈیا ہیلپ لائن دی افتتاحی تقریب توں خطاب کریندیں ہوئیں وفاقی وزیر اطلاعات آکھیا جو 8 فروری دے انتخابات دا انعقاد پاکستان دی عوام نال اساݙا وعدہ ہئی،  17 اگست 2023ء دے بعد توں نگران حکومت آپݨی ذمہ واریاں اتے بئے معاملیاں دے علاوہ صاف شفاف اتے غیر جانبدرانہ انتخابات کیتے الیکشن کمیشن دی مدد کیتی اے۔ ایں توں پہلے تقریب توں خطاب کریندیں ہوئیں پرنسپل انفارمیشن آفیسر ڈاکٹر طارق محمود آکھیا جو میڈیا ہیلپ لائن دے ذریعے صحافیاں اتے مبصرین کوں ہک آن لائن پلیٹ فارم ملیے جتھ او آپݨی شکایتاں درج کرا سڳدن۔ انہاں آکھیا جو میڈیا ہیلپ لائن توں مختلف ڈیپارٹمنٹس بشمول وزارت داخلہ، پولیس، انتظامیہ، الیکشن کمیشن، پیمرا، پریس انفارمیشن ڈیپارٹمنٹ، ایکسٹرنل پبلسٹی ونگ اتے پی آئی ڈی دے صوبائی دفاتر کوں جوڑیا ڳئے۔