نگران وفاقی وزیر داخلہ دا وزارت دے کنٹرول روم، سیف سٹی اسلام آباد اتے پولنگ اسٹیشن دا دورہ

اسلام آباد۔8فروری(اے پی پی)نگران وفاقی وزیر داخلہ ڈاکٹر گوہر اعجاز وزارت داخلہ دے کنٹرول روم، سیف سٹی اسلام آباد اتے پولنگ اسٹیشن دا دورہ کیتے۔ سیکریٹری داخلہ، چیف کمشنر اسلام آباد اتے آئی جی اسلام آباد وزیر داخلہ دے نال ہن۔ کنٹرول روم اچ کورآڈینیٹر نیشنل ایکشن پلان وزیر داخلہ کوں عام انتخابات اچ سکیورٹی صورتحال تے بریفنگ ݙتی۔ وزیر داخلہ آکھیا جو پولنگ چنڳے طریقے نال تھیندی پئی اے حالی کوئی وی ناخوشگوار واقعہ نئیں تھیا، پولنگ عمل دی سخت نگرانی کیتی ویندی پئی اے، کہیں کوں قانون ہتھ اچ ڳھنݨ دی اجازت نہ ݙتی ویسی، امید اے انتخابات پرامن طریقے نال مکمل تھیسن۔ بعد اچ وزیر داخلہ سربراہ کامن ویلتھ آبزرور مشن ڈاکٹر گڈ لک جوناتھن نال سیف سٹی اسلام آباد ڳن جتھاں آئی جی اسلام آباد شہر اچ امن وامان اتے پولنگ تے تفصیلی بریفنگ ݙتی۔ آئی جی اسلام آباد آکھیا جو اسلام آباد اچ انتخابات پرامن طریقے نال جاری ہین، حالی کوئی شکایت نئیں ملی۔