اسلام آباد۔15فروری (اے پی پی) صدر مملکت ڈاکٹر عارف علوی ملکی و معاشرتی ترقی سانڳے ٻالڑیاں دی تعلیم تے توجہ ݙیوݨ دی لوڑھ تے زور ݙیندے ہوئیں آکھیے جو پاکستان اچ 2 کروڑ 60 لکھ توں ودھ ٻال سکولاں توں ٻاہر ہن ، پاکستان دے سارے ٻالاں کوں تعلیم ݙیوݨ سانڳے نجی اتے سرکاری شعبے اچ تعاون نا گزیر اے ۔ او خمیس کوں محمد شفیق خان دی قیادت …
ملکی و معاشرتی ترقی سانڳے ٻالڑیاں دی تعلیم تے وی توجہ ݙیوݨ دی لوڑھ اے ، صدر مملکت ڈاکٹر عارف علوی
اسلام آباد۔15فروری (اے پی پی) صدر مملکت ڈاکٹر عارف علوی ملکی و معاشرتی ترقی سانڳے ٻالڑیاں دی تعلیم تے توجہ ݙیوݨ دی لوڑھ تے زور ݙیندے ہوئیں آکھیے جو پاکستان اچ 2 کروڑ 60 لکھ توں ودھ ٻال سکولاں توں ٻاہر ہن ، پاکستان دے سارے ٻالاں کوں تعلیم ݙیوݨ سانڳے نجی اتے سرکاری شعبے اچ تعاون نا گزیر اے ۔ او خمیس کوں محمد شفیق خان دی قیادت اچ ریڈ فائونڈیشن دے وفد نال ملاقات اچ ڳالھ مہاڑ کریندے پئے ہن ۔ وفد صدر مملکت کوں تعلیمی و فلاحی شعبے اچ ریڈ فائونڈیشن دی خدمات بارے ݙسایا جو ریڈ فائونڈیشن ملک اچ 400 توں ودھ سکول اتے کالج چلیندی پئی اے ،فائونڈیشن معاشرے اچ معیاری ، قابل قدر اتے بامقصد تعلیم دے ودھارے سانڳے کم کریندی پئی اے ،فائونڈیشن دا مقصد معیاری ، گھٹ قیمت تے مفت تعلیم تئیں رسائی ودھاوݨاں اے ،ریڈ فائونڈیشن یتیم ٻالاں دی تعلیم و تربیت سانڳے وی اقدامات کریندی پئی اے ۔ صدر مملکت ڈاکٹر عارف علوی آکھیے ملکی انسانی وسائل دی ترقی اچ تعلیمی اداریں دا کلیدی کردار اے ،یتیم ٻالاں دی تعلیم اتے خودمختاری جامع معاشرے دی تشکیل سانڳے ضروری اے ۔صدر مملکت تعلیمی اتے فلاحی شعبے اچ ریڈ فائونڈیشن دی خدمات دی تعریف کیتی۔
