More

Social Media

Social Media

نائب وزیراعظم اسحاق ڈار شنگھائی تعاون تنظیم دے سربراہانِ حکومت دی کونسل دے اجلاس اچ شرکت کیتے تاجکستان روانہ

اسلام آباد۔19 اکتوبر (اے پی پی) نائب وزیراعظم تے وزیرِ خارجہ محمد اسحاق ڈار شنگھائی تعاون تنظیم (ایس سی او) دے سربراہانِ حکومت دی کونسل دے اجلاس اچ پاکستانی وفد دی قیادت کیتے تاجکستان دے دارالحکومت دوشنبے روانہ تھی ڳئے۔ ترجمان دفترِ خارجہ دے بیان دے مطابق ایس سی او دے سربراہانِ حکومت دی کونسل دا اجلاس 19 تے 20 اکتوبر 2026ء کوں تھیندا پئے۔ نائب وزیراعظم تے وزیرِ خارجہ …

مزید خبراں

اسلام آباد۔19 اکتوبر (اے پی پی) نائب وزیراعظم تے وزیرِ خارجہ محمد اسحاق ڈار شنگھائی تعاون تنظیم (ایس سی او) دے سربراہانِ حکومت دی کونسل دے اجلاس اچ پاکستانی وفد دی قیادت کیتے تاجکستان دے دارالحکومت دوشنبے روانہ تھی ڳئے۔ ترجمان دفترِ خارجہ دے بیان دے مطابق ایس سی او دے سربراہانِ حکومت دی کونسل دا اجلاس 19 تے 20 اکتوبر 2026ء کوں تھیندا پئے۔ نائب وزیراعظم تے وزیرِ خارجہ سینیٹر محمد اسحاق ڈار تاجکستان دے وزیراعظم قاہر رسول زادہ دی دعوت تے اے دورہ کریندے پئن۔ ایس سی او دے سربراہانِ حکومت دی کونسل دے اجلاس اچ بیلاروس، چین، قازقستان، کرغزستان، روس، تاجکستان تے ازبکستان دے وزرائے اعظم، ایران دے نائب صدر تے بھارت دے وزیرِ خارجہ آپݨے آپݨے ملکاں دی نمائندگی کریسن۔ سی ایچ جی شنگھائی تعاون تنظیم دا ݙوجھا اعلیٰ ترین فیصلہ ساز ادارہ اے جیڑھا جو تنظیم دے اقتصادی، مالیاتی، تجارت، رابطہ کاری، کاروبار، سماجی و اقتصادی تعاون تے بجٹ نال متعلق امور اچ رہنمائی فراہم کریندے۔ سی ایچ جی ہک مشترکہ اعلامیہ، بیانات تے اہم فیصلیاں دی وی منظوری ݙیسی۔ دورے دے دوران نائب وزیراعظم تے وزیرِ خارجہ تاجکستان دے صدر تے وزیراعظم نال وی ملاقات کریسن، جݙانجو سی ایچ جی اجلاس دے موقع تے شنگھائی تعاون تنظیم دے رکن ملکاں دے اپنے ہم منصباں دے نال ݙوپاسہ ملاقاتاں وی کریسن۔

مزید خبراں
وزیراعظم محمد شہباز شریف دا قلات تے گوادر اچ 4 دہشت گرداں کوں جہنم واصل کرݨ تے سکیورٹی فورسز کوں خراجِ تحسین، پسنی دھماکے اچ جامِ شہادت نوش کرݨ آلے میجر وجاہت وحید شہید کوں خراجِ عقیدت پیش لاہور۔19 اکتوبر (اے پی پی): وزیراعظم محمد شہباز شریف بلوچستان دے ضلع قلات تے گوادر اچ بھارتی سرپرستی اچ سرگرم فتنہ الہندوستان دے خلاف کامیاب آپریشنز اچ 4 دہشت گرداں کوں جہنم واصل کرݨ تے سکیورٹی فورسز کوں زبردست خراجِ تحسین تے پسنی اچ آئی ای ڈی دھماکے اچ جامِ شہادت نوش کرݨ آلے 34 سالہ میجر وجاہت وحید شہید کوں زبردست خراجِ عقیدت پیش کیتے۔ پیر کوں پی ایم آفس دے میڈیا ونگ توں جاری بیان دے مطابق وزیراعظم آکھیا جو میجر وجاہت وحید وطنِ عزیز دی حفاظت کیتے آپݨی جان دا نذرانہ پیش کیتے، قوم کوں آپݨے ایں بہادر سپوت تے فخر اے۔ وزیراعظم شہید میجر دے اہلخانہ نال دلی ہمدردی دا اظہار تے شہید دے درجات دی بلندی کیتے دعا کیتی۔ انہاں ایپکس کمیٹی دے وژن ’’عزمِ استحکام‘‘ دے تحت غیر ملکی سرپرست یافتہ دہشت گردی دے مکمل خاتمے تئیں جنگ جاری رکھݨ دے عزم دا اعادہ کیتا۔ صدرِ مملکت دا قلات تے گوادر اچ فتنہ الہندوستان دے 4 دہشت گرداں کوں ہلاک کرݨ تے سکیورٹی فورسز کوں خراجِ تحسین، شادی کور اچ میجر وجاہت دی شہادت تے افسوس دا اظہار اسلام آباد۔19 اکتوبر (اے پی پی): صدرِ مملکت آصف علی زرداری بلوچستان دے اضلاع قلات تے گوادر دے مختلف علاقیاں اچ بھارتی سرپرستی اچ سرگرم فتنہ الہندوستان دے 4 دہشت گرداں کوں ہلاک کرݨ تے سکیورٹی فورسز کوں خراجِ تحسین پیش تے ضلع گوادر دے علاقے شادی کور اچ دہشت گرداں دے خلاف کارروائی دے دوران میجر وجاہت وحید دی شہادت تے افسوس دا اظہار کیتے۔ پیر کوں ایوانِ صدر دے پریس ونگ توں جاری بیان دے مطابق صدرِ مملکت وطنِ عزیز دے دفاع تے دہشت گردی دے خاتمے کیتے میجر وجاہت وحید دی عظیم قربانی کوں خراجِ عقیدت پیش کیتا تے شہید دے اہلخانہ نال دلی تعزیت تے ہمدردی دا اظہار کیتا۔ صدرِ مملکت ملک دے امن و استحکام تے عوام دے تحفظ کیتے سکیورٹی فورسز دی مسلسل قربانیاں تے پیشہ ورانہ خدمات کوں خراجِ تحسین پیش کریندیں ہوئیں آکھیا جو دہشت گرداں دے غیر ملکی سرپرستاں تے انہاں دے مقامی سہولت کاراں دی ہر سازش کوں ناکام ٻݨایا ویسے۔ وفاقی وزیرِ داخلہ دا قلات تے پسنی اچ خوارجیوں دے خلاف کامیاب آپریشنز تے سکیورٹی فورسز کوں خراجِ تحسین، میجر وجاہت شہید کوں خراجِ عقیدت پیش اسلام آباد۔19 اکتوبر (اے پی پی): وفاقی وزیرِ داخلہ محسن نقوی قلات تے پسنی اچ خوارجیوں دے خلاف کامیاب آپریشنز تے سکیورٹی فورسز کوں زبردست خراجِ تحسین پیش کیتے۔ وزارتِ داخلہ توں جاری بیان دے مطابق وزیرِ داخلہ پسنی اچ آئی ای ڈی دھماکے اچ جامِ شہادت نوش کرݨ آلے میجر وجاہت وحید کوں زبردست خراجِ عقیدت پیش کریندیں ہوئیں شہید دے لواحقین نال دلی ہمدردی تے تعزیت دا اظہار کیتا۔ محسن نقوی آکھیا جو میجر وجاہت وطنِ عزیز دے امن کیتے جان نچھاور کر تے ہمیشہ کیتے امر تھی ڳئے ہن۔ انہاں زور ݙیندے ہوئیں آکھیا جو شہید میجر وجاہت سمیت تمام شہداء دے لہو دا ہر قطرہ وطن دے تحفظ دی ضمانت اے۔ وزیرِ داخلہ دا آکھݨ ہا جو شہید میجر وجاہت اساݙے دلوں اچ ہمیشہ زندہ رہسن تے انہاں دی ایں عظیم قربانی کوں قوم ہمیشہ یاد رکھیسی۔ قلات تے پسنی اچ سکیورٹی فورسز دی کارروائیاں اچ فتنہ الہندوستان دے 4 دہشت گرد ہلاک، میجر وجاہت وحید شہید تھی ڳئے: آئی ایس پی آر راولپنڈی۔19 اکتوبر (اے پی پی): سکیورٹی فورسز بلوچستان دے اضلاع قلات تے گوادر اچ مؤثر انٹیلی جنس بیسڈ آپریشنز دے دوران بھارتی سرپرستی اچ کام کرݨ آلے گروہ ’’فتنہ الہندوستان‘‘ دے 4 دہشت گرداں کوں جہنم واصل کر ݙتے جبکہ پسنی اچ آپریشن دے دوران دیسی ساختہ بم (آئی ای ڈی) دے دھماکے اچ دستے دی قیادت کرݨ آلے میجر وجاہت وحید فرض دی راہ اچ جامِ شہادت نوش کر ݙتا۔ انٹر سروسز پبلک ریلیشنز (آئی ایس پی آر) دے مطابق انٹیلی جنس ایجنسیوں ضلع گوادر دی تحصیل پسنی دے علاقے شادی کور تے ضلع قلات دے علاقے جھٹک آباد اچ بھارتی سرپرستی اچ کام کرݨ آلے ’’فتنہ الہندوستان‘‘ دی متعدد پناہ گاہاں دی موجودگی دی اطلاع ݙتی جیندے توں مقامی آبادی کوں شدید خطرہ لاحق ہا۔ مقامی آبادی کے تحفظ تے علاقے کوں دہشت گرداں توں پاک کرݨ کیتے سکیورٹی فورسز انہاں علاقیاں اچ آپریشنز کریندیاں پیاں ہن۔ آئی ایس پی آر دے مطابق پہلے واقعے اچ 18 اکتوبر 2026ء کوں سکیورٹی فورسز ضلع قلات دے عمومی علاقے جھٹک آباد اچ انٹیلی جنس تے مبنی آپریشن کیتا۔ آپریشن دے دوران اساݙے جواناں دہشت گرداں دے ٹھکانے کوں مؤثر طریقے نال نشانہ ٻݨایا تے شدید فائرنگ دے تبادلے دے بعد چار دہشت گرداں کوں جہنم واصل کر ݙتا۔ ایں دوران بھاری مقدار اچ اسلحہ تے گولہ بارود وی برآمد کر گھدا ڳیا۔ ݙوجھے واقعے اچ سکیورٹی فورسز ضلع گوادر دی تحصیل پسنی دے عمومی علاقے شادی کور اچ کلیئرنس آپریشنز دا سلسلہ شروع کیتا۔ انہاں اچوں ہک آپریشن دے دوران لیڈ فورس دے دستے کوں جیندے دی قیادت میجر وجاہت وحید (عمر 34 سال، رہائشی لاہور) کریندیں پئے ہن، ہک دیسی ساختہ بم نال نشانہ ٻݨایا ڳیا۔ دھرتی دے ایں بہادر سپوت میجر وجاہت وحید فرض دی راہ اچ عظیم قربانی ݙیندے ہوئیں جامِ شہادت نوش کیتا۔ علاقے اچ موجود کسی وی ٻئے دہشت گرد دے خاتمے کیتے سینیٹائزیشن آپریشنز جاری رہسن۔ آئی ایس پی آر دا آکھݨ ہا جو نیشنل ایکشن پلان دی فیڈرل ایپکس کمیٹی دے منظور کردہ وژن ’’عزمِ استحکام‘‘ دے تحت انسدادِ دہشت گردی دی مسلسل مہم پوری قوت دے نال جاری رہسی۔ سکیورٹی فورسز تے قانون نافذ کرݨ آلے ادارے ملک توں غیر ملکی سرپرستی تے معاونت یافتہ دہشت گردی دی لعنت کوں جڑ توں اکھاڑ سٹݨ کیتے پرعزم ہن۔ سرکاری حج سکیم دے حج واجبات دی دوسری قسط دی ادائیگی 20 اکتوبر تئیں مکمل کر گھن: ترجمان وزارتِ مذہبی امور اسلام آباد۔19 اکتوبر (اے پی پی): وزارتِ مذہبی امور دے ترجمان آکھیا ہے جو سرکاری حج سکیم دے حج واجبات دی دوسری قسط دی ادائیگی اچ ہک ݙینھ باقی رہ ڳیا اے ایں کیتے 20 اکتوبر تئیں لازمی مکمل کر گھن۔ پیر کوں ہک بیان اچ ترجمان مذہبی امور آکھیا جو واجبات دی ادائیگی کیتے نیشنل آئی ٹی بورڈ دا حج پورٹل یا پاک حج ایپ استعمال کرن۔ پورٹل تے ادائیگی بینک کارڈ، ون لنک یا مینول بینک چالان دے ذریعے کیتی ون٘ڄ سڳدی اے۔ حج درخواست دی منسوخی توں بچݨ کیتے واجبات بروقت جمع کرواون۔ حج پورٹل تے موجود میڈیکل فٹنس سرٹیفکیٹ ڈاؤن لوڈ کر تے ڈاکٹر توں تصدیق کرواوݨ لازم اے۔ انہاں آکھیا جو تصدیق شدہ میڈیکل فٹنس سرٹیفکیٹ حج پورٹل تے اپلوڈ کرݨ لازم اے۔ عازمینِ حج نئی معلومات تے ہدایات کیتے پاک حج ایپ لازمی استعمال کرن۔ نائب وزیراعظم و وزیرِ خارجہ محمد اسحاق ڈار 19 تے 20 اکتوبر کوں تاجکستان اچ تھیوݨ آلے ایس سی او دے سربراہانِ حکومت دی کونسل دے اجلاس اچ پاکستانی وفد دی قیادت کریسن اسلام آباد۔19 اکتوبر (اے پی پی): نائب وزیراعظم و وزیرِ خارجہ محمد اسحاق ڈار 19 تے 20 اکتوبر کوں تاجکستان دے شہر دوشنبے اچ تھیوݨ آلے شنگھائی تعاون تنظیم (ایس سی او) دے سربراہانِ حکومت دی کونسل (سی ایچ جی) دے اجلاس اچ پاکستانی وفد دی قیادت کریسن۔ پیر کوں دفترِ خارجہ توں جاری بیان دے مطابق نائب وزیراعظم و وزیرِ خارجہ سینیٹر محمد اسحاق ڈار تاجکستان دے وزیراعظم قاہر رسول زادہ دی دعوت تے اے دورہ کریندیں پئن۔ اجلاس اچ بیلاروس، چین، قازقستان، کرغزستان، روس، تاجکستان تے ازبکستان دے وزرائے اعظم، ایران دے نائب صدر تے بھارت کے وزیرِ خارجہ آپݨے آپݨے ملکاں دی نمائندگی کریسن۔ سی ایچ جی شنگھائی تعاون تنظیم دا ݙوجھا اعلیٰ ترین فیصلہ ساز ادارہ اے جیڑھا جو تنظیم دے اقتصادی، مالیاتی، تجارت، رابطہ کاری، کاروبار، سماجی و اقتصادی تعاون تے بجٹ نال متعلق امور اچ رہنمائی فراہم کریندا اے۔ سی ایچ جی ہک مشترکہ اعلامیہ، بیانات تے اہم فیصلیاں دی وی منظوری ݙیسی۔ دورے دے دوران نائب وزیراعظم و وزیرِ خارجہ تاجکستان دے صدر تے وزیراعظم نال وی ملاقات کریسن، جبکہ سی ایچ جی اجلاس دے موقع تے شنگھائی تعاون تنظیم دے رکن ملکاں دے آپݨے ہم منصباں دے نال ݙوپاسہ ملاقاتیں وی کریسن۔ ملتان بوسن روڈ تے تیز رفتار کار حادثہ، 5 افراد جاں بحق ملتان۔19 اکتوبر (اے پی پی): ملتان اچ بوسن روڈ تے تیز رفتار کار حادثے اچ پنج افراد جاں بحق تھی ڳئے۔ ریسکیو 1122 دے مطابق افسوسناک حادثہ پیر دے ݙینھ اتھاں بوسن روڈ تے سبزہ زار میٹرو سٹیشن دے قریب پیش آیا، جیندے اچ تیز رفتار کار بے قابو تھی تے پہلے ڈیوائیڈر نال ٹکرائی تے پھر خالی پلاٹ دی کندھ اچ ون٘ڄ لگی، جیندے نتیجے اچ کار اچ سوار شجاع آباد نال تعلق رکھݨ آلے 23 سالہ محمد مزمل ولد عبدالخالق، 22 سالہ محمد یاسر ولد محمد عامر، 28 سالہ رمضان ولد غلام قاسم تے 25 سالہ ݙو نامعلوم افراد سمیت شدید چوٹاں لڳݨ نال موقع تے ہی جاں بحق تھی ڳئے۔ حادثے دی اطلاع ملدے ہی ریسکیو ٹیم تے متعلقہ پولیس موقع تے پڄ تے پنجوں جاں بحق افراد دیاں لاشاں کار توں کڈھیاں، جبکہ فائر فائٹرز گاڑی دے بونٹ اچ لڳی اگ کوں بجھایا تے پنجوں جاں بحق افراد دیاں لاشاں نشتر ہسپتال منتقل کیتیاں ڳئیاں۔ حادثے دی وجوہات جانݨ کیتے پولیس دی جانب توں تحقیقات کیتیاں ویندی پیاں ہن۔