نگران وزیرِ اعظم انوار الحق کاکڑ نال سینیٹر نعمان وزیر دی قیادت اچ پاکستان ایسوسی ایشن آف لارج اسٹیل پروڈیوسرز دے وفد دی ملاقات

اسلام آباد۔15فروری  (اے پی پی): نگران وزیرِ اعظم انوار الحق کاکڑ نال سینیٹر نعمان وزیر دی قیادت اچ پاکستان ایسوسی ایشن آف لارج اسٹیل پروڈیوسرز دے وفد دی ملاقات ملاقات کیتی اے ۔ وزیراعظم ملاقات اچ آکھیے جو آپݨے تھوڑے عرصے اچ پاکستان دی معیشت دی بحالی سانڳے ہرممکن قدم چاتے۔ حکومت آپݨیاں پالیسیاں دے ذریعے نجی تے کاروباری شعبے کوں ملک دی برآمدات اچ ودھارے تے زورگار دی فراہمی سانڳے سہولت ݙیندی پئی اے۔ وزیراعظم آکھیے نگران حکومت کاروبار سانڳے موزوں ماحول، نجی شعبے کوں ملکی ترقی اچ کردار سانڳے سہولت تے ٹیکس آمدن اچ ودھارے سانڳے اقدامات چاتن  ۔ وزیراعظم آکھیے آندی منتخب حکومت پالیسیاں دے تسلسل نال ملک اچ صنعتی ترقی تے سرمایہ کاری اچ ودھارے ناللوکاں کوں روزگار دے موقع تے مجموعی معاشی ترقی دے ایں سفر کوں جاری رکھیسی ۔ انہاں آکھیے جو ایف بی آر اصلاحات سانڳے نگران وزیرِ خزانہ، چیئرمین ایف بی آر اتے سارے متعلقہ حکام دیاں کوششاں قابل ستائش ہن ۔وزیرِ اعظم دی متعلقہ حکام کوں اسٹیل دی صنعت نال جڑیے سارے مسئلیں ترجیحی بنیاداں تے حل کرݨ دی ہدایت کیتی ۔اجلاس اچ شرکاء نگران حکومت دے ملک اچ سرمایہ کاری سانڳے سہولت، صنعتکاراں دے مسئلیں دے حل ، ایف بی آر اچ اصلاحات اتے ملکی معیشت دی بحالی سانڳے اقدامات تے نگران وزیرِ اعظم اتے نگران وفاقی کابینہ دے ارکان دیاں کوششاں تے خراج تحسین پیش کیتا ۔