قدرتی آفات پاروں ٻݨݨ آلی صورتحال نال نبڑݨ اتے لوکاں دے ریسکیو تے مدد کیتے جامع لائحہ عمل دی لوڑھ اے، امداد کوں شفاف انداز نال لوکاں تئیں پڄایا ونڄے، اڄوکی طوفانی بارشاں دے متاثرین کوں کہیں صورت کلھا نہ چھڑیسوں، وزیر اعظم محمد شہباز شریف

اسلام آباد۔19مارچ (اے پی پی) وزیر اعظم محمد شہباز شریف آکھیا جو قدرتی آفات پاروں ٻݨݨ آلی صورتحال نال نبڑݨ اتے لوکاں دے ریسکیو تے مدد کیتے جامع لائحہ عمل دی لوڑھ اے، امداد کوں شفاف انداز نال لوکاں تئیں پڄایا ونڄے، اڄوکی طوفانی بارشاں دے متاثرین کوں کہیں صورت کلھا نہ چھڑیسوں۔اے ڳالھیں انہاں آپݨی صدارت اچ تھیوݨ آلےاجلاس اچ ڳالھ مہاڑ کریندیں ہوئیں آکھی۔ اجلاس اچ وفاقی وزیر اقتصادی امور تے اسٹیبلشمنٹ احد خان چیمہ، چیئرمین این ڈی ایم اے لیفٹیننٹ جنرل انعام حیدر ملک اتے متعلقہ اعلیٰ حکام شریک تھیے۔ اجلاس اچ وفاقی وزیر منصوبہ بندی، ترقی تے خصوصی اقدامات احسن اقبال وڈیو لنک توں شریک تھیے۔ اجلاس اچ وزیراعظم کوں این ڈی ایم اے ولوں اڄوکی طوفانی بارشاں دے متاثرین، قدرتی آفات دی پیشگی اطلاع اتے ریسکیو تے امداد بارے تفصیلی بریفنگ ݙتی ڳئی۔ اجلاس اچ وزیراعظم اڄوکی طوفانی بارشاں دے متاثرین دی امداد اے شفاف انداز اچ مکمل کر تے رپورٹ پیش کرݨ دی ہدایت کیتی۔ انہاں این ڈی ایم اے کوں صوبیاں نال رَل تے جوائنٹ سروے جلدی پورا کرݨ دی وی ہدایت کیتی۔