اسلام آباد۔18 اکتوبر (اے پی پی) صدرِ مملکت آصف علی زرداری سانحۂ کارساز دے شہداء کوں خراجِ عقیدت پیش کریندیں ہوئیں آکھیا جو آئین دی بالادستی، عوام دی حکمرانی تے جمہوری اقدار دا تحفظ سانحۂ کارساز دے شہداء دی قربانیاں دا تقاضا اے۔ ایوانِ صدر دے میڈیا ونگ توں جاری بیان دے مطابق صدرِ مملکت آصف علی زرداری سانحۂ کارساز دے 19 سال مکمل تھیوݨ تے شہداء کوں خراجِ عقیدت …
سانحۂ کارساز دے شہداء دی قربانیاں دہشت گردی تے انتہا پسندی دے خاتمے دے عزم کوں ٻیا مضبوط بݨیندین، صدرِ مملکت
مزید خبراں
اسلام آباد۔18 اکتوبر (اے پی پی) صدرِ مملکت آصف علی زرداری سانحۂ کارساز دے شہداء کوں خراجِ عقیدت پیش کریندیں ہوئیں آکھیا جو آئین دی بالادستی، عوام دی حکمرانی تے جمہوری اقدار دا تحفظ سانحۂ کارساز دے شہداء دی قربانیاں دا تقاضا اے۔ ایوانِ صدر دے میڈیا ونگ توں جاری بیان دے مطابق صدرِ مملکت آصف علی زرداری سانحۂ کارساز دے 19 سال مکمل تھیوݨ تے شہداء کوں خراجِ عقیدت پیش کیتا۔ صدرِ مملکت آکھیا جو سانحۂ کارساز دے شہداء دی قربانیاں پاکستان دی قومی تاریخ دا روشن باب ہن، شہید محترمہ بے نظیر بھٹو جان کوں لاحق خطرات دے باوجود ثابت قدم رہی، انہاں دی جرأت تے قربانی جمہوریت، امن تے انصاف دے علمبرداراں کیتے مشعلِ راہ اے۔ صدرِ مملکت آکھیا جو سانحۂ کارساز دے شہداء دی قربانیاں دہشت گردی تے انتہا پسندی دے خاتمے دے عزم کوں ٻیا مضبوط بݨیندن، سانحۂ کارساز دے شہداء دی قربانیاں آوݨ آلی نسلاں کیتے پرامن، جمہوری تے خوشحال پاکستان دی تعمیر دے عزم دا سرچشمہ رہسن۔ صدرِ مملکت سانحۂ کارساز دے شہداء دے درجات دی بلندی تے لواحقین کیتے صبر تے استقامت دی دعا کیتی۔
