وفاقی وزیر ہائوسنگ دی پی ایچ اے ایف منصوبیاں اچ ویلھے سر شجرکاری کاری دی ہدایت

اسلام آباد۔19مارچ(اے پی پی)وفاقی وزیر ہائوسنگ اینڈ ورکس میاں ریاض حسین پیرزادہ پاکستان ہائوسنگ اتھارٹی فائونڈیشن دے جاری منصوبیاں کوں ماحول دوست ٻݨا تے ایندے اچ ودھ توں ودھ وݨ لاوݨ اتے ویلھے سر معیاری تکمیل دی ہدایت کریندے آکھیے جو درختاں دی اہمیت پاروں پاکستان ہائوسنگ اتھارٹی فائونڈیشن دے جاری و مستقبل دے منصوبیاںا چ شجر کاری کوں اڳونہا رکھیا ونڄے۔ او پاکستان ہائوسنگ اتھارٹی فائونڈیشن (پی ایچ اے ایف) اجلاس دی صدارت کریندے پئے ہن جیندے اچ پی ایچ اے ایف دے جاری منصوبیاں، مستقبل دی حکمت عملی تے غور تھیا۔ اجلاس اچ پی ایچ اے ایف دے منیجنگ ڈائریکٹر شاہد حسین محکمے دے انتظام و کم کار تے بریفنگ ݙتی۔ بریفنگ اچ وفاقی وزیر کوں پی ایچ اے ایف ریذیڈنشیا، کچلاک روڈ پراجیکٹ، کوئٹہ بارے وی ݙسایا گیا۔ وفاقی وزیر زور ݙتے جو متعلقہ حکام منصوبیاں اچ تعمیر دے اعلیٰ معیار تے عمل کریندے رہائشیاں کوں بہترین بنیادی سہولتاں ݙیون۔