بھارت دے غیر قانونی زیر تسلط جموں و کشمیر اتے فلسطین  اچ قابض ریاستاں آزادی دی جدوجہد کوں غیر قانونی بݨاوݨ سانڳے کوڑیاں خبراں دا سہارا گھندے پئن، منیر اکرم

اسلام آباد۔30اپریل  (اے پی پی) پاکستان کشمیر اتے فلسطین دا حوالہ ݙیندے ہوئیں اقوام متحدہ دی کمیٹی آن انفارمیشن کوں ݙسائےجو غیر ملکی قابض ریاستاں حق خود ارادیت سودھےبنیادی آزادیاں توں محروم لوکاں دی آواز دٻاوݨ سانڳے کوڑیاں خبراں تے غلط معلومات دا سہارا گھندے پئن۔  اقوام متحدہ  اچ پاکستان دے مستقل مندوب منیراکرم گزریل ݙینھ اقوام متحدہ دی کمیٹی آن انفارمیشن   کوں ݙسائے جو اساں اڄ غزہ دی جنگ اچ اتے  بھارت دے غیر قانونی زیر تسلط  جموں و کشمیر   اچ مسلسل یندا مشاہدہ کریندے پیوں ۔ اے کمیٹی اقوام متحدہ دے شعبہ عالمی مواصلات ( ڈی جی سی) دے کم دی نگرانی کریندی تے محکمہ کوں ایندی پالیسیاں، پروگرام تے سرگرمیاں بارے رہنمائی ݙیندن۔ اقوام متحدہ اچ پاکستان دے نائب مستقل مندوب عثمان جدون کمیٹی دے  46ویں اجلاس دی صدارت کریندے پئن۔ اجلاس اچ پاکستانی مندوب منیر اکرم اپݨے تبصرے اچ آپݨے ساتھی کوں خوش آمدید اکھیندے ہوئیں آکھیے کمیٹی آن انفارمیشن دے 46ویں اجلاس دی صدارت تساݙی کثیرالجہتی اتے اقوام متحدہ دے انفارمیشن ایجنڈے سانڳے پاکستان دے عزم دی علامت اے۔ انہاں آکھیے ھک جمہوری اتے تکثیری قومی ریاست دے طور تے پاکستان اقوام متحدہ دے چارٹر اتے انسانی حقوق دے بین الاقوامی قانون دے اصولاں سودھے آزادی اظہار اتے معلومات تئیں رسائی،ایندے سارے مظاہر اچ غلط معلومات  روکݨ تے میڈیا دی آزادی اتے تنوع  دے اصولاں کوں برقرار رکھݨ سانڳے آپݨی وابستگی دا اعادہ کریندے ۔