اسلام آباد۔30اپریل(اے پی پی) وفاقی وزیر اقتصادی امور احد خان چیمہ آکھیے جو پاکستان باری مشینری تے پلانٹس اچ مشترکہ منصوبیں سانڳے بیلاروس دی مہارت توں فیدہ چاتے ۔پاکستان بیلاروس مشترکہ وزارتی کمیشن دے کامیاب چھیویں اجلاس اچ تجارت، زراعت، صحت، سائنس و ٹیکنالوجی، سیاحت اتے صنعتی شعبے اچ سرمایہ کاری اچ مزید تعاون دے ودھارے تے ڳالھ مہاڑ کیتی ڳئی اے ۔ اے ڳالھ انہاں جمہوریہ بیلاروس دے سفیر اینڈری میٹیلیسا نال ملاقات اچ آکھی اے ۔وفاقی وزیر اقتصادی امور احد خان چیمہ جمہوریہ بیلاروس دے سفیر دا پرتپاک خیرمقدم کیتا۔ملاقات اچ سانجھی دلچسپی دے امور تے ڳالھ مہاڑ کیتی ڳئی جیں اچ پاکستان بیلاروس مشترکہ وزارتی کمیشن (جے ایم سی) دے جنوری 2023 اچ منسک، بیلاروس اچ تھیوݨ آلے چھیویں اجلاس اچ کیتے ڳئے عزائم شامل ہن۔ایں موقع تے جمہوریہ بیلاروس دے سفیر آندرے میٹیلیسا ݙوطرفہ تعلقات کوں مزید ودھاوݨ اچ گھاٹی دلچسپی ظاہر کیتی تے ایں ڳالھ تے زور ݙتے جو ݙوہیں ملکاں وچال تجارت استعداد کارتوں ٻہوں گھٹ اے تے اینکوں حکومت توں حکومت اتے تجارت نال تجارت دے ذریعے تعامل، تجارتی نمائشاں اتے بینکنگ دے طریقہ کار دی ہم آہنگی نال ودھاوݨ دی لوڑھ اے ۔وفاقی وزیر احد چیمہ پاکستان دی زرعی مشینری بشمول ٹریکٹرز اتے ہارویسٹردے استعمال دی صلاحیت دا ݙسایا تے بالخصوص پاکستانی فرماں نال سانجھے منصوبیں دے ذریعے پاکستانی مارکیٹ نال جڑت تے زور ݙتا۔
