لاہور۔30اپریل (اے پی پی) وفاقی وزیرداخلہ محسن نقوی نادرا سنٹر ضرار شہید روڈ کینٹ دا دورہ کیتے۔ایں موقع تے وفاقی وزیرداخلہ محسن نقوی شناختی کارڈ اتے ٻئی ضروری دستاویزات بݨواوݨ سانڳے آوݨ آلے شہریاں نال ملاقات کیتی تے انہاں توں دستاویزات گھنݨ بارے دریافت کیتے۔انہاں شہریاں کوں پیش آندے مسئلیں دے حل سانڳے موقع تے ہی احکامات جاری کیتن۔ وزیر داخلہ نادراسنٹر اچ صفائی دے انتظامات بہتر بݨاوݨ دی ہدایت کیتی ۔ انہاں کاؤنٹرز تے موجود شہریاں نال ڳالھ مہاڑ کریندے ہوئیں آکھیے جو نادرا اچ کوئی ایجنٹ مافیا کائنی،پاسپورٹ آفس توں وی ایندا خاتمہ کریسوں ۔ انہاں آکھیے نادرا سنٹردے دورے دا مقصد شہریاں کوں دستاویزات گھنݨ سانڳے سہولت ݙیوݨ اے۔
