اسلام آباد۔30اپریل (اے پی پی):وفاقی وزیر قانون و انصاف سینیٹراعظم نذیر تارڑ نال امپلی مینٹیشن مینارٹی رائٹس فورم (آئی ایم آر ایف)اتے کرسچن لائرز ایسوسی ایشن پاکستان (سی ایل اے) تے مشتمل وفد آئی ایم آر ایف دے چیئرمین سیموئل پیارا اتے سی ایل اے دے صدر ایڈووکیٹ عدنان شمیم بھٹی دی قیادت اچ ملاقات کیتی جیں اچ اقلیتاں دے حقوق دے نفاذ اتے اقلیتاں دے قومی کمیشن دے …
وفاقی وزیر قانون اعظم نذیر تارڑ نال امپلی مینٹیشن مینارٹی رائٹس فورم اتے کرسچن لائرز ایسوسی ایشن دے وفد دی ملاقات
مزید خبراں
اسلام آباد۔30اپریل (اے پی پی):وفاقی وزیر قانون و انصاف سینیٹراعظم نذیر تارڑ نال امپلی مینٹیشن مینارٹی رائٹس فورم (آئی ایم آر ایف)اتے کرسچن لائرز ایسوسی ایشن پاکستان (سی ایل اے) تے مشتمل وفد آئی ایم آر ایف دے چیئرمین سیموئل پیارا اتے سی ایل اے دے صدر ایڈووکیٹ عدنان شمیم بھٹی دی قیادت اچ ملاقات کیتی جیں اچ اقلیتاں دے حقوق دے نفاذ اتے اقلیتاں دے قومی کمیشن دے کردار دے ودھارے متعلق اہم امور تے ڳالھ مہاڑ کیتی ڳئی ۔ وزارت قانون و انصاف توں جاری اعلامیہ موجب ملاقات اچ کرسچن میرج ایکٹ 1872 دے نفاذ اتے کرسچن میرج رجسٹرار دی تقرریاں وی زیر بحث آئیاں۔ ایں توں انڄ وفاقی وزیر کوں سپریم کورٹ دے اڄوکے فیصلیں موجب صفائی کارکنان دی حفاظت سانڳے قانون سازی دے اقدامات اتے قومی اقلیتی ثقافت ایوارڈ دے قیام بارے تجویزاں وی پیش کیتیاں ڳئن ۔ وفد کرسچن میرج ایکٹ اچ ترامیم دی تجویز وی ݙتی ۔ وزیر قانون شرکا دی ساری تجویزاں کوں چنڳاں آکھیے تے انہاں دا خیرمقدم کیتے ۔ انہاں وفد کوں تعاون دا یقین ݙیوائے تے مزید اقدامات اچ صوبائی حکومت کوں رلاوݨ عزم کیتے۔
