اسلام آباد۔30اپریل (اے پی پی) وفاقی وزیر برائے صنعت تے پیداوار رانا تنویر حسین آکھیا جو کساناں دے مفادات دا تحفظ حکومت دی پہلی ترجیح اے، حکومت خریف سیزن اچ یوریا دی بلاتعطل فراہمی یقینی ٻݨیسی۔ کساناں دی قوت خرید ݙیکھ تے ودھارا کیتا ونڄے۔ اے ڳالھیں انہاں یوریا کھاد دے نرخاں اچ اڄوکے ودھارے بارے جائزہ اجلاس دی صدارت کریندیں ہوئیں آکھی۔ اجلاس اچ سیکرٹری صنعت تے پیداوار وسیم اجمل چوہدری ، فوجی فرٹیلائزر کمپنی، اینگرو فرٹیلائزر پرائیویٹ لمیٹڈ اتے فاطمہ فرٹیلائزر کمپنی دے نمائندے شریک تھیے۔ اجلاس اچ کھاد کمپنیاں ولوں یوریا کھا دے نرخاں اچ ودھارے بارے بحث کیتی ڳئی۔ انہاں یوریا کھاد دی ذخیرہ اندوزی اتے ناجائز منافع خوری کوں روکݨ کیتے صوبیاں کوں ہدایت کیتی۔
