اسلام آباد۔30اپریل (اے پی پی) وفاقی وزیرداخلہ محسن نقوی سکھر شہر اچ 12 سال بعد وی پاسپورٹ آفس دی عمارت مکمل نہ تھیوݨ تے کوڑیج ڳئے اتے عمارت کوں چھی مہینے اندر مکمل کرݨ دا حکم ݙے ݙتا۔ سکھر شہر اندر اتے روہڑی اچ ترائے مہینے اچ ݙو نویں نادرا دفتر ٻݨائے ویسن۔ او منگل کوں پاسپورٹ آفس اتے نادرا سنٹر سکھردےدورے دے موقع تے ڳالھ مہاڑ کریندے پئے ہن۔ وفاقی سیکرٹری داخلہ آغا خرم وی انہاں دے نال ہن۔ وفاقی وزیر محسن نقوی آکھیا جو پاسپورٹ آفس ایں پراݨی عمارت اچ کہیں صورت قبول کائنی، شہریاں دی سہولت کیتے پاسپورٹ آفس شہر دے مرکز اچ ہووݨا چاہیدے۔
