اسلام آباد۔30اپریل (اے پی پی) وزیراعظم محمد شہبازشریف آکھیا جو سعودی عرب اتے پاکستان دے ݙوپاسہ تعلقات اتے معاشی سانجھے داری دی جہتاں مضبوط تھیندی پئی اے، سعودی ولی عہد شہزادہ محمد بن سلمان سعودی وزراء کوں پاکستان بارے خصوصی ہدایت جاری کیتی، قیادت دی سطح تے تھیوݨ آلی مفاہمت کوں عملی شکل ݙیوݨ کیتے محنت نال کم کریسوں۔ منگل کوں وزیراعظم آفس دے میڈیا ونگ توں جاری بیان موجب سعودی عرب دے دورہ دے چھیکڑ تے جاری بیان اچ وزیراعظم آکھیا جو سعودی عرب اتے پاکستان دے ݙوپاسہ تعلقات اتے معاشی سانجھے داری دی جہتاں مضبوط تھیندی پئی اے، آندے کجھ ݙینھ اچ سعودی عرب دی کاروباری بندیاں دا وفد پاکستان امدا پئے۔ وزیراعظم آکھیا جو پرتپاک میزبانی اتے پاکستان نال پرخلوص محبت تے سعود ی ولی عہد شہزادہ محمد بن سلمان دا دل توں شکریہ ادا کرینداں۔
