پی آئی اے متحدہ عرب امارات سفر کرݨ آلے مسافراں سانڳے ’’سفری ہدایات‘‘جاری کرݙتن

اسلام آباد۔2مئی(اے پی پی):پاکستان انٹرنیشنل ایئر لائن (پی آئی اے) متحدہ عرب امارات سفر کرݨ آلے مسافراں سانڳے ’’سفری ہدایات‘‘جاری کرݙتن ۔ترجمان پی آئی اے عبداللہ حفیظ خان دی طرفوں خمیس کوں جاری بیان موجب متحدہ عرب امارات اچ طوفانی مینھ پاروں دبئی تے شارجہ سانڳے فضائی آپریشن شدید متاثر ہن۔ پی آئی اے سودھے ٻئی ایئر لائنز دے فضائی آپریشن تاحکم ثانی معطل رہسن ۔ ترجمان آکھیے قومی ایئر لائن دی کجھ پروازاں کوں خراب موسم پاروں تاخیر اتے منسوخی دا سامݨا اے۔ ترجمان آکھیے پی آئی اے کوں اپݨے مسافراں دی زحمت  دا بھرپور احساس اے،صورتحال بحال ہوندے ہی پی آئی اے اپݨے فضائی آپریشن دا فی الفور آغاز کرݙیسی ۔ متاثرہ پروازاں دے مسافراں توں التماس اے جو او آپݨی پرواز دی معلومات سانڳے پی آئی اے کال سینٹر 786 786 111 نال رابطے اچ رہن ۔