ثقافتی ورثے دے تحفظ اتے ودھارے اچ قانون ساز اداریں دا اہم کردار اے،  سید غلام مصطفیٰ شاہ

باکو۔2مئی  (اے پی پی):قومی اسمبلی دے ڈپٹی سپیکر  سید غلام مصطفیٰ شاہ آکھیے جو ثقافتی ورثے دے تحفظ اتے ودھارے اچ قانون ساز اداریں دا اہم کردار اے ، قانون ساز ادارے مضبوط قانونی ڈھانچہ وضع کریندن جیڑھے جو نہ صرف ثقافتی ورثے کوں محفوظ رکھیندن بلکہ تحفظ اتے فنڈنگ دے مناسب طریقہ کار سودھے کہیں وی نقصان یا تباہی سانڳے سخت سزاواں دے حوالے نال اہم کردار ادا کریندن ۔ اے ڳالھ انہاں آذربائیجان اچ منعقدہ “ثقافتی ورثے دے تحفظ اچ مقننہ دا کردار اتے بہترین طرز عمل” دے موضوع تے سمیینار توں خطاب کریندے ہوئیں آکھی اے انہاں کامیاب تقریب دے انعقاد تے منتظمین تے حکومت آذربائیجان دی  تعریف کیتی تے آکھیے جو ڈپٹی ساݙے اجتماعی ثقافتی ورثے دے تحفظ سانڳے متنوع ثقافتاں وچال سانجھے افہام و تفہیم کوں ودھارا ݙیوݨ دی ٻہوں اہمیت اے ۔ ڈپٹی سپیکر ثقافتی ورثے دی بنیادی اہمیت تے روشنی پیندے ہوئیں آکھیے اڄ دی باہم جڑی ہوئی دنیا اچ ثقافتی ورثے کوں پیش آندی لاتعداد خطرات ایندے تحفظ اتے لمبی عمر کوں یقینی بݨاوݨ سانڳے فعال اتے ٹھوس اقدامات دی وختی لوڑھ اے۔  ڈپٹی سپیکر حکومتی ایجنسیاں، ثقافتی اداریں، مقامی کمیونیٹیز اتے بین الاقوامی تنظیماں دے اسٹیک ہولڈرز نال باہمی شراکت داری کوں ودھارا ݙیوݨ دی لوڑھ تے زور ݙتا تے آکھیے جو اے باہمی اخلاقیات جامع حکمت عملی تیار کرݨ اچ بنیادی حیثیت رکھیندی اے جیڑھی جو ثقافتی ورثے دے تحفظ کوں درپیش کثیر جہتی چیلنجاں نال نبڑدی اے ۔