صوبائی حکومتاں پٹرولیم مصنوعات دے نرخ اچ ڳھٹکی اتے کھاوݨ پیوݨ دی شئیں دے سرکاں نرخاں تے عمل کراوݨ کیتے کم کرن، وزیراعظم شہبازشریف

اسلام آباد۔2مئی  (اے پی پی) وزیراعظم شہبازشریف مہانگ اچ ڳھٹکی کوں عوام کیتے چنڳی خبر قرار ݙیندیں ہوئیں ہدایت کیتی جو صوبائی حکومتاں پٹرولیم مصنوعات دے نرخ اچ ڳھٹکی اتے کھاوݨ پیوݨ دی شئیں دے سرکاں نرخاں تے عمل کراوݨ کیتے کم کرن۔ خمیس کوں وزیراعظم آفس دے میڈیا ونگ توں جاری بیان موجب وزیراعظم شہبازشریف مہانگ اچ ڳھٹکی کیتے چنڳی خبر قرار ݙتا۔ انہاں آکھیاجو ݙوسالیں اچ مہانگ دا ڳھٹ ترین سطح تے آوݨ معاشی بہتری دے آثار ہن۔ مہانگ دی شرح 39 فیصد توں پہلے 20 فیصد اتے ہݨ 17 فیصد تے آڳئی اے۔