لاہور۔4مئی(اے پی پی):وفاقی وزیر پٹرولیم وفوکل پرسن سعودی شراکت داری مصدق ملک آکھیے جو ملکی معیشت تکڑی کرݨ ترجیح اے، حکومتی و نجی سطح تے سعودی عرب نال ڳانݙھا ودھایا ویسی، سعودی عرب زراعت، معدنیات، آئی ٹی اتے ٻئے شعبیاں اچ پاکستان نال ساسڄھے داری دا آکھیے، اعلیٰ سطح سعودی سرمایہ کار وفد 5 مئی کوں پاکستان پڄسی، 10ارب ڈالر تئیں سرمایہ کاری متوقع اے۔ پی ٹی وی سنٹر اچ پریس کانفرنس کریندے انہاں آکھیے جو سعودی سرمایہ کاری نال ملکی معیشت تکڑی تھیسی اتے روزگار دے مواقع ملسن اتے عوام کوں خوشخبریاں ملسن۔ انہاں آکھیے جو وزیراعظم ملک اچ معاشی تبدیلیاں چاہندن تاں جو پائیدار معاشی ترقی تھیوے اتے نینگراں کوں تیکھے روزگار وی ملے، سعودی کمپنیاں ملکی کمپنیاں نال رل تے نینگراں کیتے مختلف شعباں اچ سرمایہ کاری کروینداں پن، تیکھے او ویلھا آسی ڄݙاں ساݙے نوجوان نوکریاں ڳھنݨ دی بڄائے آپ ݙیوݨ دے قابل تھی ویسین۔
