لاہور۔4مئی(اے پی پی):وزیراعظم محمد شہباز شریف آکھیے جو ملکی چیلنجز نال نمٹݨ کیتے رل تے کم کرݨا ہوسی، ملک اڄوکے محصولات توں 3 گنا ودھ محصولات کٹھے کرݨ دی صلاحیت رکھدے، 27 سو ارب روپے دے محصولات دی ریکوری کیتے قانون ٻݨ چکیے۔ اے ڳالھ انہاں لاہور اچ چنڳی کارکردگی ݙکھاوݨ آلے ایف بی آر افسران دے اعزاز اچ تقریب نال خطاب اچ آکھی۔ تقریب اچ وفاقی وزیر اطلاعات ونشریات عطاتارڑ، وفاقی وزیر داخلہ محسن نقوی، وفاقی وزیر مواصلات علیم خان، مشیر برائے وزیر اعظم رانا مشہود احمد خان، چیئرمین ایف بی آر امجد زبیر ٹوانہ سودھا ٻئے افسران وی موجود ہن۔ وزہر اعظم آکھیے جو فیصلہ کن گھڑی آچکی اے، ساریاں کوں لر تے ملکی بہتری کیتے کم کرݨا ہوسی، ریونیوکلیکشن وݙا چیلنج اے، محصولات ودھاوݨ کیتے اپݨا ریونیو ودھاوݨا ہوسی، اساں خلوص اتے میرٹ ݙیہدے ہوئے کالا چٹا انڄھو انڄھ کریسوں، پاکستان تے چڑھیا قرضہ لہاوݨ کیتے محصولاتے ودھاوݨ دی لوڑھ اے، سالانہ وصولیاں دا ہدف 3 توں چار گنا کرپشن، فراڈ اتے لالچ وات تھیوݨ پاروں قرض ڳھنݨ دی وجہ ٻݨدے، کرپشن مکاوݨ ترجیح اے، ایف بی آر اچ ممبر دی تعیناتی میرٹ تے کیتی ویسی، چنڳی کارکدگی آلے افسران کوں ماݨ ݙتا ویسی اتے خراب کارکردگی آلے افسراں کوں عہدیاں تے رہݨ دا کوئی حق نئیں، اڄ الالہ کولو وعدہ کروں جو ایمانداری نال پاکستان دی خدمت کریسوں ایندے کیتے ڳالھیں دی بجائے عمل کر ݙکھاوݨا ہوسی۔ وزیر اعظم محمد شہباز شریف ایف بی آر اچ اعلیٰ کارکردگی آلے افسران کوں شیلڈاں وی ݙتن اتے ایوارڈز دا اعلان کیتے۔ تقریب نال وفاقی وزیر خزانہ محمد اورنگزیب وی آن لائن خطاب کیتے۔
