پی آئی اے حج آپریشن دا اعلان ، پہلی حج پرواز 9 مئی کوں روانہ تھیسی

اسلام آباد۔6مئی (اے پی پی) قومی ایئر لائن پی آئی اے دا حج توں پہلے حج آپریشن 9 مئی توں شروع تھیسی جیڑھا جو ݙاہ جون تئیں رہسی۔ ایئرلائن انتظامیہ انتظامات پورے کر ڳھدن۔ پی آئی اے انتظامیہ توں جاری بیان اچ آکھیا ڳئیا جو ابتدائی منصوبہ بندی دے مطابق پی آئی اے تقریباً 34 ہزار عازمین حج کوں 170 پروازاں توں حجاز مقدس پڄیسی۔ 19 ہزار عازمین سرکاری حج سکیم اتے 15 ہزار پرائیوٹ حجاج پی آئی اے دے ذریعے سفر کریسن۔ ایں سال پی آئی اے پاکستان دے 8 شہراں اسلام آباد ، کراچی ، لاہور ، پشاور ، ملتان ، کوئٹہ ، سیالکوٹ اتے سکھر توں جدہ اتے مدینہ منورہ کیتے براہ راست پروازاں آپریٹ کریسی۔