اسلام آباد۔6مئی (اے پی پی) سعودی معاون وزیر سرمایہ کاری ابراہیم المبارک آکھیا جو پاکستان اتے سعودی عرب دی ترقی اچ ݙوپاسہ تعاون ٻہوں اہمیت رکھیندے، پاکستان کنے وسائل اتے صلاحیت موجود اے اتے سعودی سرمایہ کار پاکستان دی ترقق اچ مدد کریسن۔ سعودی عرب دی تعمیر تے ترقی اچ مختلف شعبیاں توں تعلق رکھݨ آلے پاکستانی ماہرین دا کردار تعریف دے قابل اے۔ اے ڳالھیں انہاں پاکستان۔سعودی عرب انویسٹمنٹ فورم 2024 توں خطاب کریندیں ہوئیں آکھی۔ سعودی وزیر سرمایہ کاری جیڑھے جو 50 رکنی سرمایہ کاراں اتے کاروباری لوکاں دے وفد دی قیادت کریندیں ہوئیں پاکستان دے ترائے ݙینھ دے دورے تے ہن پاکستان۔سعودی عرب انویسٹمنٹ فورم 2024 اچ شریک تھیے اتے خطاب کیتا۔ انہاں ایں موقع تے آکھیا جو پاکستان اچ سعودی کمپنیاں سرمایہ کاری کیتے ہرویلھے تیار ہن۔ پاکستان۔سعودی عرب انویسٹمنٹ فورم 2024 توں وزیر خزانہ سینیٹر محمد اورنگزیب، وفاقی وزیر تجارت جام کمال، وفاقی وزیر پیٹرولیم مصدق ملک اتے ٻئے خطاب کیتا۔
