اسلام آباد۔6مئی (اے پی پی) وفاقی وزیرخزانہ ومحصولات سینیٹر محمد اورنگزیب آکھیا جو کلی معیشت دے استحکام کیتے غیر ملکی سرمایہ کاری ضروری اے،سعودی سرمایہ کاراں دا دورہ پاکستان ایں سلسلے دی ہک کڑی اے، اے ڳالھیں انہاں پاکستان سعودی عرب سرمایہ کاری فورم 2024 توں خطاب کریندیں ہوئیں آکھی۔ وزیرخزانہ آکھیا جو کلی معیشت دے استحکام کیتے مختصر، درمیانی اتے طویل مدتی حکمت عملیاں تے کم کریندے پئیوں جئیں نال ملکی معیشت ودھسی۔ انہاں آکھیا جو توانائی دا شعبہ ٻہوں اہمیت رکھیندے اتے ایں شعبے اچ اصلاحارت جاری ہن۔ انہاں آکھیا جو ملکی معیشت دے معاشی اشاریت مثبت ویندے پئن۔ زراعت اچ پںج فیصد ودھارا تھیندا پئے اتے ایں سال کنڑک اتے چاول سودھی وݙی فصلاں دی بمپر پیداوار تھئی اے۔ مہانگ ڳھٹ تھی تے 17 فیصد تئیں آڳئی اے۔
