سی پیک منصوبیں کوں توڑ پڄاوݨ سانڳٖے ہݨ اساکوں چین توں ݙو قدم اڳوں چلݨا ہوسی ، احسن اقبال

اسلام آباد۔7مئی (اے پی پی):وفاقی وزیر منصوبہ بندی ترقی وخصوصی اقدامات احسن اقبال آکھیے جو سی پیک منصوبیں کوں توڑ پڄاوݨ سانڳے ہݨ اساکوں چین توں ݙو قدم اڳوں چلݨا ہوسی ۔ اساکوں خطے اچ اپݨی جغرافیائی مرکزیت کوں موقع اچ بدلݨ سانڳے ٹھوس منصوبہ بندی کرݨی ہوسی ،علاقائی تعاون، اپݨے اتے رابطے دے حوالے نال پاکستان خطے اچ اہم ترین ملک اے۔ اے ڳالھ انہان منگل کوں دورہ چین دے حوالے نال جائزہ اجلاس دی صدارت کریندے ہوئیں آکھی اے ۔اجلاس اچ وفاقی وزیر کوں مختلف وزارتاں دے حوالے نال دورہ چین دے دوران پیش کیتے ونجݨ آلے منصوبیں تے تفصیلی بریفنگ ݙتی ڳئی ۔اجلاس اچ سیکرٹری ریلوے ، سیکرٹری این ایچ اے ، ایڈیشنل سیکرٹری پاور اتے وزارت منصوبہ بندی دے اعلی حکام شرکت کیتی ۔وفاقی وزیر آکھیے سی پیک فیز 2 دی پیش رفت کوں یقینی بݨاوݨ دورہ چین دا اہم ایجنڈا ہوسی ۔سی پیک منصوبیں دی تکمیل سانڳے ہݨ اساکوں چین توں ݙو قدم اڳوں چلݨا ہوسی ۔ انہاں آکھیے دورہ چین تے ایم ایل ون ھک اہم ایجنڈا ہوسی ، ایم ایل ون ݙڈھ سو سال پراݨا ٹریک اے اتے جے ہݨ ایں تے کم شروع نہ کیتا ڳیا تاں خدانخواستہ اساں مزید حادݨیں دا شکار تھی سڳدوں ۔ احسن اقبال آکھیے ایم ایل ون تے ساݙے مواصلات اتے تجارت دے شعبیں سانڳے ناگزیر اے۔