اسلام آباد۔7مئی (اے پی پی):وزیراعظم محمد شہبازشریف سعودی عرب دے کاروباری وفد دے کامیاب دورے کوں ملکی معیشت سانڳے اہم سنگ میل قرار ݙیندے ہوئیں آکھیے جو سعودی کمپنیاں مختلف شعبیں اچ سرمایہ کاری دا جائزہ ڳھدے سعودی وفددا آکھݨ ہئی جو اساں پاکستان اچ ھک نواں دور ݙٹھے ۔ وفد دے سربراہ پاکستانی حکام دی تیاری توں ٻہوں متاثر تھئن، وفد دورے دی پیشرفت دا سعودی ولی عہد محمد بن سلمان اتے ٻئے متعلقہ حکام کوں ݙسیسی ۔ اے ڳالھ انہاں وفاقی کابینہ دے اجلاس اچ آکھی اے ۔ وزیراعظم آکھیے سعودی عرب دے کاروباری وفد پاکستان دادورہ کیتے اتے پاکستان دی مہمان نوازی کوں کھلے دل نال منیے۔ سعودی وفد دے سربراہ جیں انداز اچ پاکستانی حکام دی تعریف کیتی ایں توں ٻہوں خوشی تھئی تے تے ھک بھرا ملک سعودی عرب دے وفد جیں گرمجوشی دا مظاہرہ کیتے او میں سانڳے ماݨ دی ڳالھ اے ۔ سعودی وفد مختلف شعبیں اچ سرمایہ کاری تے وزرا دی تیاری دی تعریف کیتی ۔ انہاں دورے تے اطمینان دا اظہار کیتے اتے آکھیے جو او ٻہوں خوش تھی تے واپس ویندے پئن تے واپس سعودی عرب ونڄ تے ݙسیسن جو اساں پاکستان اچ ھک نواں دور ݙٹھے ۔ اتھاں ساݙیاں بزنس ٹوبزنس ملاقاتاں تھئن ۔ پاکستانی حکام سعودی وفد کوں چنڳے طریقے نال پریزینٹیشنزݙتن جیڑھی اساں کیتے ھک ٻہوں چنڳی ڳالھ اے ۔ وزیر اعظم دورے کوں کامیاب بݨاوݨ سانڳے وفاقی وزیرتجارت ، وفاقی وزیرپٹرولیم، وفاقی وزیر خزانہ ، وفاقی وزیر ہوا بازی تے وفاقی وزیر بجلی سودھے متعلقہ سیکرٹریز تے وزارتاں دا وݙا اہم کردار رہیے ۔ انہاں دی بہترین کوششاں لائق تحسین ہن جیں تے انہاں کوں مبارخ ݙینداں ۔ انہاں آکھیے ایں دورے کوں کامیاب بݨاوݨ اچ کردار ادا کرݨ آلے حکام دا ھک اجلاس سݙیے ۔ اے ھک اہم ݙینھ ہئی۔
