اسلام آباد۔7مئی (اے پی پی) وفاقی وزیر داخلہ محسن نقوی آکھیا جو بلوچستان کیتے ہر طرح دے وسائل حاضر ہن، ترقی دے پندھ اچ بلوچستان دا ٻہوں اہم کردار اے، بلوچ بھراواں دی ہر طرح دی خدمت کیتے حاضر ہیسے۔ او منگل کوں کوئٹہ اچ وزیراعلی بلوچستان میر سرفراز بگٹی نال ملاقات اچ ڳالھ مہاڑ کریندے پئے ہن۔ وزیر داخلہ محسن نقوی منگل کوں کوئٹہ دے دورہ اچ وزیراعلی بلوچستان ہاؤس ڳئے جتھ انہاں وزیراعلیٰ بلوچستان نال ملاقات کیتی۔ وزیر اعلی بلوچستان سرفراز بگٹی وزیر اعلی ہاوس آوݨ تے وفاقی وزیرداخلہ محسن نقوی دا خیر مقدم کیتا۔ وزیراعلی بلوچستان سرفراز بگٹی صوبے اچ امن عامہ بارے تعاون تے وفاقی وزیرداخلہ محسن نقوی دا شکریہ ادا کیتا۔
