اسلام آباد۔7مئی (اے پی پی) وفاقی وزیر اطلاعات تے نشریات عطاءاللہ تارڑ آکھیا جو معاشی اشاریے مثبت ہن، عالمی جریدے وی پاکستان دی معیشت دی تعریف کریندے پئن، پنشن اصلاحات تے تجویزاں منڳین۔ جݙاں تجویزاں کوں چھیکڑی شکل ݙتی ویسی تاں میڈیا اتے عوام کوں ݙسیا ویسی۔ منگل کوں پی ٹی وی ہیڈ کوارٹرز اچ وزیر خزانہ محمد اورنگزیب اتے وزیر قانون اعظم نذیر تارڑ دے رلے پریس کانفرنس توں خطاب کریندیں ہوئیں وفاقی وزیراطلاعات آکھیا جو ملک تاریخ دی اوں موڑ تے کھڑے جتھ اصلاحات ضروری ہن۔ انہاں آکھیا جو معیشت سدھے پاسے ویندی پئی اے، معاشی اشاریے مثبت ہن، عالمی جریدے وی پاکستان دی معیشت دی تعریف کریندے پئن۔ انہاں آکھیا جو میڈیا تے پنشن بارے کجھ ڳالھیں تھیندیاں پئن پنشن اصلاحات تے تجویزاں منڳین۔ جݙاں تجویزاں کوں چھیکڑی شکل ݙتی ویسی تاں میڈیا اتے عوام کوں ݙسیا ویسی۔
