اسلام آباد۔7مئی (اے پی پی) وزیراعظم محمد شہباز شریف دی صدارت وفاقی کابینہ دا اجلاس منگل کوں وزیراعظم ہاؤس اچ تھیا۔ وزیراعظم آفس میڈیا ونگ توں جاری بیان موجب وزیراعظم اجلاس دے شرکاء نال ڳالھ مہاڑ کریندیں ہوئیں آکھیا جو سعودی سرمایہ کار وفد دی پاکستان آمد سعودی عرب اتے پاکستان دے معاشی تعلقات بارے ٻہوں اہم پیشرفت اے۔ انہاں ایں دورے کوں کامیاب ٻݨاوݨ بارے وفاقی وزراء، افسراں اتے اسٹاف دی کارکردگی دی تعریف کیتی۔ وفاقی کابینہ وزارت ہوا بازی دی سفارش تے ائیر سیال کوں چین، ملائشیا ، سری لنکا ، تھائی لینڈ، ترکیہ ، برطانیہ اتے کویت اچ فلائیٹ آپریشنز شروع کرݨ دی منظوری ݙتی۔ اے منظور ی نیشنل ایوی ایشن پالیسی 2023 اتے ائیر سروسز ایگریمنٹ دے تحت ݙتی ڳئی اے۔ وفاقی کابینہ وزارت تجارت دی سفارش تے اسلامی جمہوریہ پاکستان اتے کنگڈم آف کولمبیا وچال سانجھی تجارتی کمیٹی ٻݨاوݨ بارے مفاہمتی یادداشت تے دستخط جڈانجو وزارت وفاقی تعلیم و فنی تربیت دی سفارش تے ڈائیریکٹوریٹ جنرل آف اسپیشل ایجوکیشن کوں وفاقی وزارت انسانی حقوق توں وزارت وفاقی تعلیم و فنی تربیت دے حوالے کرݨ دی منظوری ݙتی۔ وفاقی کابینہ کابینہ کمیٹی برائے چینی سرمایہ کاری منصوبہ جات دی 30 اپریل 2024 کوں اجلاس اچ کیتے ڳئے فیصلیاں دی توثیق وی کیتی۔
