سی پیک دے پہلے مرحلے اچ 25 ارب ڈالر دے منصوبے پاکستان اچ زیر تکمیل ہن،وفاقی وزیر منصوبہ بندی احسن اقبال

بیجنگ ۔8مئی (اے پی پی):وفاقی وزیر منصوبہ بندی،ترقی و خصوصی اقدامات احسن اقبال آکھیے سی پیک دے پہلے مرحلے اچ 25 ارب ڈالر دے منصوبے پاکستان اچ زیر تکمیل ہن،چین پاکستان دا تاریخی دوست اےجیں اوکھے ویلھے ساݙا ساتھ ݙتا ۔پلاننگ کمیشن توں جاری بیان موجب اے ڳالھ انہاں چین پڄݨ دے بعد بیجنگ ایئرپورٹ توں خصوصی پیغام اچ آکھی اے ۔وفاقی وزیر منصوبہ بندی احسن اقبال تے وزیر اعظم دے معاون خصوصی امور خارجہ طارق فاطمی دی بیجنگ ایئرپورٹ تے آمد تے پاکستانی سفیر خلیل ہاشمی اتے چینی حکام انہاں دا استقبال کیتے ۔اے نویں حکومت دے اقتداراچ آوݨ دے بعد اے چین دا پہلا اعلی سطحی دورہ اے۔احسن اقبال آکھیے چین پاکستان دا تاریخی دوست اےجیں ہر اوکھ اچ ساݙا ساتھ ݙتے، سی پیک دے پہلے مرحلے اچ 25 ارب ڈالر دے منصوبے پاکستان اچ زیر تکمیل ہن۔ انہاں آکھیے پہلے مرحلے اچ توانائی تے انفراسٹرکچر دے شعبے کوں اپ گریڈ کیتا ڳئے ۔سی پیک دے ݙوجھے مرحلے اچ زراعت ، صنعت ، گرین توانائی تے ٹیکنالوجی دے شعبے کوں ودھارا ݙتا ویسی ایں دورے توں 13 ویں جوائنٹ کوآپرین کمیٹی میٹنگ دا ایجنڈا بݨاوݨ اچ مدد ملسی۔